×

أَتَّوْرَتْ دَ أَنَّبَاوَا 2020

Zabura 119

1
مَاسُ أَلْبَرْكَنٜىٰ مَاسُبِنْ حَنْيَرْ غَسْكِيَ أَ ظُوثِ، مَاسُ تَڢِيَ ثِكِنْ كُواْيَرْوَرْ يَهْوٜىٰهْ!
2
مَاسُ أَلْبَرْكَنٜىٰ مَاسُ كِيَايٜىٰ ڧَٰعِدُواْدِنْسَ، مَاسُ نٜىٰمَنْسَ دَ دُكَنْ ذُوثِيَارْسُ؞
3
عِ، بَاسَ عَيْكَتَ أَبِنْدَ بَ دَيْدَيْبَ، عَمَّا سُنَ تَڢِيَ ثِكِنْ حَنْيَرْسَ؞
4
كَيْ يَهْوٜىٰهْ ، كَا شِمْڢِطَا ڧَٰعِدُواْدِنْكَ عَكِيَايٜىٰسُ دَ ڨُوذُواْ؞
5
دَمَا حَنْيَتَ تَكَڢُ دَرَمْ عَكِيَايٜىٰوَرْ ڧَٰعِدُواْدِنْكَ!
6
تَهَكَ، بَذَنْ جِكُنْيَابَ يَايِنْدَ نَكَڢَ عِدُواْ عَكَنْ عُمَرْنَنْكَ؞
7
ذَنْ يَبٜىٰكَ دَ ذُوثِيَا مَيْ غَسْكِيَ، أَ سَعَدَّ نَكُواْيِ عُمَرْنَنْكَ مَاسُ أَدَلْثِے؞
8
ذَنْ كِيَايٜىٰ ڧَٰعِدُواْدِنْكَ، كَدَ كَيَاشٜىٰنِ غَبَاطَيَ!
9
تَيَيَا سَوْرَيِ ذَيْ يِ رَايُوَرْسَ دَ ڟَرْكِے؟ تَوُرِنْ كِيَايٜىٰوَرْ مَغَنَرْكَ؞
10
دَ دُكَنْ ذُوثِيَاتَ نَنٜىٰمٜىٰكَ، كَدَ كَبَرْ نِے إِنْ كَوْثٜىٰ دَغَ عُمَرْنَنْكَ!
11
نَٻُواْيٜىٰ مَغَنَرْكَ عَثِكِنْ ذُوثِيَاتَ، دُواْمِنْ كَدَ إِنْيِ مَكَ ذُنُوبِ؞
12
أَلْبَرْكَ تَا تَبَّتَا أَغَرٜىٰكَ، يَا يَهْوٜىٰهْ ، كُواْيَ مِنِ ڧَٰعِدُواْدِنْكَ!
13
دَ بَاكِنَ نَلِسَّڢْتَ دُكَنْ عُمَرْنَنْ بَاكِنْكَ؞
14
إِنَڢَضٍ ثِكِنْ بِنْ غَرْغَطِنْكَ، كَمَرْ ڢَضٍ ثِكِنْ سَامُنْ دُوكِيَ مَيْ يَوَ؞
15
ذَنْ دِنْ‌غَ تُنَانِ عَكَنْ ڧَٰعِدُواْدِنْكَ، ذَنْيِ بِنْثِكٜىٰنْ هَنْيُواْيِنْكَ؞
16
ڧَٰعِدُواْدِنْكَ سُنَ ڢَرَنْتَ مِنِ رَيْ، بَذَنْ مَنْتَادَ مَغَنَرْكَبَ؞
17
يِ وَ نِے بَاوَنْكَ أَلْحٜىٰرِ، دُوانْ إِنْ رَايُ إِنْ كِيَايٜىٰ مَغَنَرْكَ؞
18
بُوطٜىٰ عِدَنُونَ دُواْمِنْ إِنْ غَا أَبُبُوَ مَاسُ بَنْ مَامَاكِ ثِكِنْ كُواْيَرْوَرْكَ؞
19
نِے بَڧُواْ نٜىٰ عَدُونِيَا، كَدَ كَٻُواْيٜىٰ عُمَرْنَنْكَ دَغَ غَرٜىٰنِ!
20
رَيْنَ يَنَ مُتُوَ دَ ڟَنَنِنْ مَرْمَرِنْ عُمَرْنَنْكَ كُواْيَوْشٜىٰ؞
21
كَنَ ڟَاوَتَا وَ مَاسُ طَغَ كَيْ، لَعَنَنُّ مَاسُ كَوْثٜىٰوَ دَغَ عُمَرْنَنْكَ؞
22
كَوَرْ مِنِ رٜىٰنِنْسُ دَ بَعَرْسُ، غَمَا نَا كِيَايٜىٰ ڧَٰعِدُواْدِنْكَ؞
23
كُواْدَيَكٜىٰ سَرَاكُنَ سُنْ حَطَ بَاكِ عَكَيْنَ، نِے بَاوَنْكَ ذَنْ دِنْ‌غَ تُنَانِ عَثِكِنْ ڧَٰعِدُواْدِنْكَ؞
24
عِ، إِنَ جِنْ دَاطِنْ ڧَٰعِدُواْدِنْكَ، سُونٜىٰ مَاسُبَانِ شَوَرَا؞
25
عَݣُونْثٜىٰ نَكٜىٰ ثِكِنْ ڧُورَا، رَايَرْ دَنِے بِسَغَ مَغَنَرْكَ!
26
دَ نَلِسَّڢْتَ هَنْيُواْيِنَ، كَأَمْسَ مِنِ، كُواْيَ مِنِ ڧَٰعِدُواْدِنْكَ؞
27
سَا إِنْ غَانٜىٰ حَنْيَرْ ڧَٰعِدُواْدِنْكَ، ذَنْ كُمَ دِنْ‌غَ تُنَانِ عَكَنْ أَيُّكَنْكَ نَبَنْ مَامَاكِ؞
28
ٻَثِنْ رَيْ يَثِ ڧَرْڢِنْ رَيْنَ، ڧَرْڢَڢَانِ بِسَغَ مَغَنَرْكَ؞
29
كَوَرْ مِنِ دَ هَنْيُواْيِنْ ڧَضْيَا، يِمِنِ أَلْحٜىٰرِ تَوُرِنْ كُواْيَرْوَرْكَ!
30
حَنْيَرْ غَسْكِيَ نَذَاٻَا، عُمَرْنَنْكَ كُمَ نَطَوْكَ أَ ذُوثِيَاتَ؞
31
نَمَنّٜىٰوَ ڧَٰعِدُواْدِنْكَ، يَا يَهْوٜىٰهْ ، كَدَ كَبَرْ نِے إِنْ شَا كُنْيَا!
32
دَ ڨُوذُواْ نَكٜىٰبِنْ حَنْيَرْ عُمَرْنَنْكَ، غَمَا كَا ڧَارَ مِنِ غَانٜىٰوَ؞
33
يَا يَهْوٜىٰهْ ، كَكُواْيَ مِنِ حَنْيَرْ ڧَٰعِدُواْدِنْكَ، ذَنْ كُوَ كِيَايٜىٰسُ حَرْ ذُوَا ڧَرْشٜىٰ؞
34
بَانِ غَانٜىٰوَ، دُواْمِنْ إِنْ كِيَايٜىٰ كُواْيَرْوَرْكَ، ذَنْ كُمَ كِيَايٜىٰتَ دَ دُكَنْ ذُوثِيَاتَ؞
35
بِشٜىٰنِ ثِكِنْ حَنْيَرْ عُمَرْنَنْكَ، غَمَا سُنَ ڢَرَنْتَ مِنِ رَيْ؞
36
جُويٜىٰ ذُوثِيَاتَ ذُوَاغَ ڧَٰعِدُواْدِنْكَ، أَمَيْمَكُوانْ نٜىٰمَنْ وَ كَيْنَ أَرْزِڧِ؞
37
كَوَرْ دَ عِدَنُونَ دَغَ أَبُبُوَنْ بَنْظَ، رَايَرْ دَنِے ثِكِنْ حَنْيَرْكَ؞
38
تَبَّتَرْوَ نِے بَاوَنْكَ مَغَنَرْكَ، مَغَنَرْكَ دَ ذَاتَ سَا أَجِڟُواْرُوانْكَ؞
39
كَوَرْ مِنِ دَ كُنْيَرْ دَ نَكٜىٰ ڟُواْرُواْ، غَمَا شَرِيعُنْكَ مَاسُ ݣَوْ نٜىٰ؞
40
غَاشِ، إِنَ مَرْمَرِنْ ڧَٰعِدُواْدِنْكَ، رَايَرْ دَنِے عَثِكِنْ أَدَلْثِنْكَ؞
41
بَرِ ڧَوْنَرْكَ مَرَرْ ثَنْجَاوَا تَذُواْ غَرٜىٰنِ، يَا يَهْوٜىٰهْ ، ثٜىٰتُوانْكَ كُمَ يَذُواْ بِسَغَ مَغَنَرْكَ؞
42
سَعَنً ذَنْ أَمْسَ مَاسُ ذَاغِنَ دَ مَغَنَ، غَمَا إِنَ دُواْغَضَ غَ مَغَنَرْكَ؞
43
كَدَ كَجَنْيٜىٰ مَغَنَرْ غَسْكِيَرْكَ دَغَ بَاكِنَ، غَمَا نَا سَا ذُوثِيَاتَ غَ عُمَرْنَنْكَ؞
44
ذَنْ كِيَايٜىٰ كُواْيَرْوَرْكَ كُلُّمْ، حَرْ أَبَدَا أَبَدِنْ؞
45
ذَنْيِ تَڢِيَاتَ أَ سَكٜىٰ، غَمَا إِنَ بِنْ ڧَٰعِدُواْدِنْكَ؞
46
ذَنْيِ مَغَنَرْ ڧَٰعِدُواْدِنْكَ أَغَبَنْ سَرَاكُنَ، بَاتَرٜىٰدَ كُنْيَابَ؞
47
عُمَرْنَنْكَ سُنَ ڢَرَنْتَ مِنِ رَيْ، غَمَا إِنَ ڧَوْنَرْسُ؞
48
إِنَ غِرْمَمَ، إِنَ كُمَ ڧَوْنَرْ عُمَرْنَنْكَ، ذَنْ كُوَ دِنْ‌غَ تُنَانِ عَكَنْ ڧَٰعِدُواْدِنْكَ؞
49
تُنَ مَغَنَرْكَ غَ نِے بَاوَنْكَ، وَدَّ كَسَا إِنْسَا ذُوثِيَا عَكَيْ؞
50
تَعَظِيَّاتَ ثِكِنْ وَهَلَاتَ عِتَثٜىٰ مَغَنَرْكَ تَنَ رَايَرْ دَنِے؞
51
مَاسُ طَغَ كَيْ سُنَ رٜىٰنَ نِے ڨُورَيْ، بَنْ كُوَ رَبُ دَ كُواْيَرْوَرْكَبَ؞
52
نَتُنَ دَ عُمَرْنَنْكَ نَدَا، يَا يَهْوٜىٰهْ ، نَاكُوَ سَامِ تَعَظِيَّ؞
53
ڢُشِے يَكَنْ كَامَ نِے سَبُواْدَ مُوغَيٜىٰ، سُو دَسُكٜىٰ بَرِنْ كُواْيَرْوَرْكَ؞
54
ڧَٰعِدُواْدِنْكَ سُنْ ذَمَ وَاڧُواْڧِ أَغَرٜىٰنِ أَدُكَنْ ذَمَنْ بَڧُنْثِنَ عَدُونِيَا؞
55
دَ دَرٜىٰ نَكَنْ تُنَ دَ سُونَنْكَ، يَا يَهْوٜىٰهْ ، إِنَ كُمَ كِيَايٜىٰ كُواْيَرْوَرْكَ؞
56
وَنَّنْ أَبِنْدَ نَسَابَيِ كٜىٰنَنْ، غَمَا إِنَ كِيَايٜىٰ ڧَٰعِدُواْدِنْكَ؞
57
كَيْ نٜىٰ أَبِنْدَ نَكٜىٰ دَشِ، يَا يَهْوٜىٰهْ ، نَيِ أَلْڧَوَرِ إِنْ كِيَايٜىٰ مَغَنَرْكَ؞
58
نَنٜىٰمِ ڢُسْكَرْكَ دَ دُكَنْ ذُوثِيَاتَ، يِمِنِ أَلْحٜىٰرِ بِسَغَ مَغَنَرْكَ؞
59
نَيِ تُنَانِ غَمٜىٰدَ حَنْيَتَ، نَجُويَا ذُوَاغَ ڧَٰعِدُواْدِنْكَ؞
60
بَدَٻَاتَ لُواْكَثِبَ نَيِ سَوْرِ إِنْ كِيَايٜىٰ عُمَرْنَنْكَ؞
61
إِغِيُواْيِنْ مُوغَيٜىٰ سُنْ طَطَّوْرٜىٰنِ، عَمَّا بَنْ مَنْتَادَ كُواْيَرْوَرْكَبَ؞
62
دَ ڟَكَرْ دَرٜىٰ نَكَنْ تَاشِ إِنْ غُواْدٜىٰ مَكَ، سَبُواْدَ عُمَرْنَنْكَ مَاسُ أَدَلْثِے؞
63
نِے أَبُواْكِنْ دُكَنْ مَاسُ ڟُواْرُوانْكَ نٜىٰ، أَبُواْكِنْ دُكَنْ مَاسُ كِيَايٜىٰ ڧَٰعِدُواْدِنْكَ؞
64
ڧَوْنَرْكَ تَا ثِكَ دُكَنْ دُونِيَا، يَا يَهْوٜىٰهْ ، كُواْيَ مِنِ ڧَٰعِدُواْدِنْكَ؞
65
كَنَيِ وَ نِے بَاوَنْكَ أَلْحٜىٰرِ، يَا يَهْوٜىٰهْ ، بِسَغَ مَغَنَرْكَ؞
66
كُواْيَ مِنِ سَنِنْ أَبِنْدَ يَكَمَاتَ دَ كُمَ عِلِمِ، غَمَا نَا دُواْغَضَ غَ عُمَرْنَنْكَ؞
67
كَاڢِنْ إِنْ شَا وَهَلَ نَكَوْثٜىٰ حَنْيَ، عَمَّا يَنْذُ إِنَ كِيَايٜىٰ مَغَنَرْكَ؞
68
كَيْ مَيْ أَلْحٜىٰرِ نٜىٰ، كَنَ كُوَ يِنْ أَلْحٜىٰرِ، كُواْيَ مِنِ ڧَٰعِدُواْدِنْكَ؞
69
مَاسُ غِرْمَنْ كَيْ سُنَ ڢَطِنْ ڧَضْيَا عَكَيْنَ، عَمَّا دَ دُكَنْ ذُوثِيَاتَ نَكِيَايٜىٰ ڧَٰعِدُواْدِنْكَ؞
70
ذُوثِيَارْسُ تَيِ تَوْرِ، عَمَّا نِے إِنَ ڢَضٍ ثِكِ دَ كُواْيَرْوَرْكَ؞
71
يَيِ مِنِ ݣَوْ دَ نَشَا وَهَلَ، دُواْمِنْ إِنْ كُواْيِ ڧَٰعِدُواْدِنْكَ؞
72
كُواْيَرْوَرْ بَاكِنْكَ أَبُ مَيْݣَوْ نٜىٰ غَرٜىٰنِ، ڢِيٜىٰدَ دُبَّنْ ظِينَارِيَ دَ أَظُرْڢَا؞
73
حَنُّوَنْكَ نٜىٰ سُكَيِنِ سُكَ كُمَ صِڢَّتَانِ، بَا نِے غَانٜىٰوَ إِنْكُمَ كُواْيِ عُمَرْنَنْكَ؞
74
مَاسُ ڟُواْرُوانْكَ ذَاسُ غَنْ نِے، سُيِ ڢَضٍ ثِكِ غَمَا نَا سَا ذُوثِيَا غَ مَغَنَرْكَ؞
75
يَا يَهْوٜىٰهْ ، نَسَنِ ثٜىٰوَ شَرِيعُنْكَ دَيْدَيْ سُكٜىٰ، كُمَ عَثِكِنْ أَمِنْثِنْكَ كَبَانِ وَهَلَ؞
76
بَرِ ڧَوْنَرْكَ مَرَرْ ثَنْجَاوَا تَذَمَ تَعَظِيَّاتَ، بِسَغَ مَغَنَرْكَ ذُوَا غَرٜىٰنِ بَاوَنْكَ؞
77
بَرِ جِنْڧَنْكَ يَذُواْ غَرٜىٰنِ دُواْمِنْ إِنْ رَايُ، غَمَا إِنَ ڢَضٍ ثِكِ دَ كُواْيَرْوَرْكَ؞
78
بَرِ مَاسُ غِرْمَنْ كَيْ سُشَا كُنْيَا، غَمَا سُنْبَادَ شَيْدَرْ ڧَضْيَا عَكَيْنَ، عَمَّا نِے، ذَنْ دِنْ‌غَ تُنَانِ عَكَنْ ڧَٰعِدُواْدِنْكَ؞
79
بَرِ مَاسُ ڟُواْرُوانْكَ، سُو مَاسُ سَنِنْ ڧَٰعِدُواْدِنْكَ سُكُواْمَ وُرِينَ؞
80
بَرِ ذُوثِيَاتَ تَكَسَنْثٜىٰ دَ غَسْكِيَ غَمٜىٰدَ ڧَٰعِدُواْدِنْكَ، دُواْمِنْ كَدَ إِنْشَا كُنْيَا؞
81
يَا يَهْوٜىٰهْ ، رَيْنَ يَنَ مُتُوَرْ نٜىٰمَنْ ثٜىٰتُوانْكَ، نَسَا ذُوثِيَاتَ غَ مَغَنَرْكَ؞
82
عِدَنُونَ سُنْ غَجِ دَ جِضَانْ ثِكَاوَرْ أَلْڧَوَرِنْكَ، إِنَ ثٜىٰوَ «يَوْشٜىٰ ذَنْ سَامِ تَعَظِيَّرْكَ؟»
83
كُواْ نَذَمَ كَمَرْ سَلْكَرْ دَتَكٜىٰ رَاتَيَ بِسَنْ هَيَاڧِے، دُكْدَهَكَ بَنْ مَنْتَادَ ڧَٰعِدُواْدِنْكَبَ؞
84
حَرْ يَوْشٜىٰنِ بَاوَنْكَ ذَنْيِ تَجِرَا؟ يَوْشٜىٰ ذَاكَ يَنْكٜىٰ شَرِيعَ عَكَنْ مَاسُ ڟَنَنْتَ مِنِ؟
85
مَاسُ غِرْمَنْ كَيْ سُنْ حَڧَ مِنِ رَامِنْ مُغُنْتَا، سُنَ ڧٜىٰتَرٜىٰ كُواْيَرْوَرْكَ؞
86
عُمَرْنَنْكَ دُكَ أَبِنْ دُواْغَضَ نٜىٰ، بَادَلِيلِ مَاسُ ڧِينَ سُنَ ڟَنَنْتَ مِنِ، تَيْمَكٜىٰنِ!
87
سَوْرَ كَطَنْ سُغَمَ دَنِے عَدُونِيَا، عَمَّا نِے بَنْ بَرْ ڧَٰعِدُواْدِنْكَبَ؞
88
بِسَغَ ڧَوْنَرْكَ مَرَرْ ثَنْجَاوَا كِيَايٜىٰ رَيْنَ، نِے كُوَ، ذَنْ كِيَايٜىٰ ڧَٰعِدَرْ بَاكِنْكَ؞
89
حَرْ أَبَدَا، يَا يَهْوٜىٰهْ ، مَغَنَرْكَ تَكَڢُ أَ سَمَ؞
90
دَغَ ڟَارَا ذُوَا ڟَارَا أَمِنْثِنْكَ يَكٜىٰ، كَا كَڢَ دُونِيَا تَكُمَ ڟَيَ دَرَمْ؞
91
سُنْ كَڢُ يَوْ بِسَغَ شَرِيعُنْكَ، غَمَا دُكَنْسُ مَاسُ حِدِمَرْكَ نٜىٰ؞
92
دَبَدُوانْ كُواْيَرْوَرْكَثٜىٰ ڢَضٍ ثِكِنَ بَ، دَ نَهَلَّكَ ثِكِنْ وَهَلَاتَ؞
93
بَذَنْ تَٻَ مَنْتَادَ ڧَٰعِدُواْدِنْكَ بَ، غَمَا تَوُرِنْسُ كَكِيَايٜىٰ رَيْنَ؞
94
نِے نَاكَنٜىٰ، ثٜىٰثٜىٰنِ! غَمَا إِنَ ڧُواْڧَرِنْ بِنْ ڧَٰعِدُواْدِنْكَ؞
95
مُوغَيٜىٰ سُنَ نٜىٰمَ سُهَلَكَانِ، عَمَّا إِنَيِنْ تُنَانِ عَكَنْ ڧَٰعِدُواْدِنْكَ؞
96
غَا ثِكَكّٜىٰنْ كُواْوَنٜىٰ أَبُ نَغَ إِيَاكَرْ، عَمَّا غَ عُمَرْنِنْكَ بَ إِيَاكَ؞
97
إِنَا مِصَالِنْ ڧَوْنَتَ غَ كُواْيَرْوَرْكَ! دُكَنْ يِنِ عِتَثٜىٰ تُنَانِنَ؞
98
عُمَرْنِنْكَ سُنْ سَا حِكِمَتَ يَڢِ نَعَبُواْكَنْ غَابَنَ، غَمَا كُلُّمْ دُواْكُواْكِنْكَ سُنَ تَرٜىٰدَنِ؞
99
نَڢِ دُكَنْ مَلَمَيْنَ غَانٜىٰوَ، غَمَا ڧَٰعِدُواْدِنْكَ سُونٜىٰ تُنَانِنَ؞
100
نَڢِ ڟُواْڢَڢِّ ڢَهِمْتَ، غَمَا إِنَ كِيَايٜىٰ ڧَٰعِدُواْدِنْكَ؞
101
نَحَنَ ڧَڢَاڢُنَ بِنْ كُواْوَثٜىٰ حَنْيَرْ مُغُنْتَا، دُواْمِنْ إِنْكِيَايٜىٰ مَغَنَرْكَ؞
102
بَنْ جُويَا دَغَ بِنْ عُمَرْنَنْكَ بَ، غَمَا كَيْ كَكُواْيَ مِنِ؞
103
إِنَا مِصَالِنْ دَاطِنْ مَغَنَرْكَ! تَاڢِ ظُمَ ذَاڧِ عَبَاكِنَ!
104
تَوُرِنْ ڧَٰعِدُواْدِنْكَ نَسَامِ ڢَهِمْتَ، شِيَسَا نَڧِ كُواْوَثٜىٰ حَنْيَرْ رَشِنْ غَسْكِيَ؞
105
مَغَنَرْكَ ڢِتِلَثٜىٰ غَ ڧَڢَاڢُنَ، حَصْكٜىٰ كُمَ غَ حَنْيَتَ؞
106
نَايِ ضَنْڟُوَا، نَاكُمَ تَبَّتَرْ دَ عِتَ ذَنْ كِيَايٜىٰ عُمَرْنَنْكَ مَاسُ أَدَلْثِے؞
107
يَا يَهْوٜىٰهْ ، نَشَا عَذَابَ سُواْسَيْ، رَايَرْ دَنِے بِسَغَ مَغَنَرْكَ؞
108
يَا يَهْوٜىٰهْ ، كَرْٻِ بَايَرْوَرْ يَرْدَرْ رَيْ تَيَبُواْ دَغَ بَاكِنَ، كَكُمَ كُواْيَ مِنِ عُمَرْنَنْكَ؞
109
كُلُّمْ رَيْنَ يَنَ ثِكِنْ حَڟَرِ، عَمَّا بَذَنْ مَنْتَادَ كُواْيَرْوَرْكَبَ؞
110
مُوغَيٜىٰ سُنْيِ مِنِ تَرْكُواْ، عَمَّا بَنْ كَوْثٜىٰ دَغَ ڧَٰعِدُواْدِنْكَبَ؞
111
ڧَٰعِدُواْدِنْكَ نٜىٰ غَادُواْنَ حَرْ أَبَدَا، عِ، سُونٜىٰ ڢَضٍ ثِكِنْ ذُوثِيَاتَ؞
112
نَمِيڧَ ذُوثِيَاتَ غَ بِنْ ڧَٰعِدُواْدِنْكَ لَادَنْسُ نَهَرْ أَبَدَا؞
113
نَڧِ مَرَسَ مَكَ أَمِنْثِ، عَمَّا إِنَ ڧَوْنَرْ كُواْيَرْوَرْكَ؞
114
كَيْ نٜىٰ وُرِنْ ٻُيَنَ دَ غَرْكُوَتَ، غَ مَغَنَرْكَ نَسَا ذُوثِيَاتَ؞
115
مَاسُ مُغُنْتَا، كُرَبُ دَنِے، دُوانْ إِنْ كِيَايٜىٰ عُمَرْنَنْ اللَّهْ نَا؞
116
ڧَرْڢَڢَانِ بِسَغَ مَغَنَرْكَ، دُوانْ إِنْرَايُ، كَدَ كَبَرْ سَا ذُوثِيَاتَ تَذَمَ بَنْظَ؞
117
رِڧٜىٰنِ دُوانْ إِنْذَوْنَ لَاڢِيَ، إِنْدِنْ‌غَ مَيْدَ حَنْكَلِ غَ ڧَٰعِدُواْدِنْكَ؞
118
كَكَنْ رَبُ دَ دُكَنْ مَاسُ كَوْثٜىٰ وَڧَٰعِدُواْدِنْكَ، غَمَا ݣُونَ ݣُونَرْسُ بَنْظَنٜىٰ؞
119
كَكَنْ يَرْ دَ مُوغَيٜىٰ نَدُونِيَا كَمَرْ دَتِّ، دُواْمِنْ حَكَ نَكٜىٰ ڧَوْنَرْ ڧَٰعِدُواْدِنْكَ؞
120
جِكِينَ يَنَ ضَوَ دُواْمِنْ ڟُواْرُوانْكَ، إِنَ كُمَ جِنْ ڟُواْرُوانْ شَرِيعُنْكَ؞
121
نَعَيْكَتَ غَسْكِيَ دَ كُمَ أَبِنْدَ يَكٜىٰ دَيْدَيْ، كَدَ كَبَرْنِ أَ حَنُّنْ مَاسُ مِنِ دَنِّيَ؞
122
تَبَّتَرْ وَنِ بَاوَنْكَ ذَمَنْ لَاڢِيَ، كَدَ كَبَرْ مَاسُ غِرْمَنْ كَيْ سُيِ مِنِ دَنِّيَ؞
123
عِدَنُونَ سُنْ غَجِ دَ جِضَانْ ثٜىٰتُوانْكَ، دَ كُمَ ثِكَاوَرْ أَلْڧَوَرِنْكَ مَيْ أَدَلْثِے؞
124
يِدَنِ بَاوَنْكَ بِسَغَ ڧَوْنَرْكَ مَرَرْ ثَنْجَاوَا، كَكُمَ كُواْيَ مِنِ ڧَٰعِدُواْدِنْكَ؞
125
نِے بَاوَنْكَ نٜىٰ، بَانِ غَانٜىٰوَ، دُواْمِنْ إِنْ سَنْ ڧَٰعِدُواْدِنْكَ؞
126
يَا يَهْوٜىٰهْ ، لُواْكَثِنْ عَيْكِنْكَ يَيِ، غَمَا مُتَنٜىٰ سُنْ كَرْيَ كُواْيَرْوَرْكَ؞
127
حَڧِيڧَ، إِنَ ڧَوْنَرْ عُمَرْنَنْكَ ڢِيٜىٰدَ ظِينَارِيَ، عِ، ڢِيٜىٰدَ ظِينَارِيَ ظَلَّ؞
128
سَبُواْدَ حَكَ نَكٜىٰبِنْ دُكَنْ ڧَٰعِدُواْدِنْكَ، إِنَ كُمَ ڧِنْ دُكْ حَنْيَرْ بَنْظَ؞
129
ڧَٰعِدُواْدِنْكَ سُنَدَ بَنْ مَامَاكِ، سَبُواْدَ دَ حَكَ ذُوثِيَاتَ تَنَ كِيَايٜىٰسُ؞
130
ڢَسَّرَرْ مَغَنَرْكَ تَكَنْ بَادَ حَصْكٜىٰ، كُواْ مَرَرْ تُنَانِ مَا يَكَنْ عِيَ غَانٜىٰوَ؞
131
نَبُوطٜىٰ بَاكِنَ إِنَ نُمْڢَشِ سَمَ سَمَ، دُواْمِنْ يَوَنْ مَرْمَرِنْ عُمَرْنَنْكَ؞
132
جُويُواْ وُرِينَ كَيِ مِنِ أَلْحٜىٰرِ، كَمَرْ يَدَّ كَسَابَايِ وَمَاسُ ڧَوْنَرْ سُونَنْكَ؞
133
كَبِدَ تَڢِيَاتَ بِسَغَ مَغَنَرْكَ، كَدَ ذُنُوبِ يَشَا كَيْنَ؞
134
ڢَنْشٜىٰنِ دَغَ دَنِّيَرْ مُتُمْ، دُواْمِنْ إِنْ كِيَايٜىٰ ڧَٰعِدُواْدِنْكَ؞
135
دُوبٜىٰنِ، نِے بَاوَنْكَ دَ ڢُسْكَرْ أَلْحٜىٰرِ، كَكُمَ كُواْيَ مِنِ ڧَٰعِدُواْدِنْكَ؞
136
هَوَيٜىٰنْ عِدَنُونَ سُنَ ظُبَ كَمَرْ ضُوً رَاڢِ، سَبُواْدَ بَعَيِنْ بِيَيَّ دَ كُواْيَرْوَرْكَ؞
137
يَا يَهْوٜىٰهْ ، كَيْ مَيْ أَدَلْثِے نٜىٰ، شَرِيعُنْكَ كُمَ دَيْدَيْ سُكٜىٰ؞
138
كَشِمْڢِطَا ڧَٰعِدُواْدِنْكَ مَاسُ أَدَلْثِے، سُو كُوَ أَبِنْ دُواْغَضَ نٜىٰ سُواْسَيْ؞
139
ڢُشِنَ يَثِنْيٜىٰنِ طُنْ‌غُمْ، غَمَا أَبُواْكَنْ غَابَنَ سُنْيِ بَنْظَ دَ مَغَنَرْكَ؞
140
أَنْتَاثٜىٰ مَغَنَرْكَ كَمَرْ دَ وُتَا، كُمَ نِے بَاوَنْكَ إِنَ ڧَوْنَرْتَ ڨُورَيْ؞
141
نِے بَا كُواْمٜىٰ بَنٜىٰ، أَنْكُوَ رٜىٰنَنِ، دُكْدَهَكَ بَنْ مَنْتَادَ ڧَٰعِدُواْدِنْكَبَ؞
142
أَدَلْثِنْكَ أَدَلْثِے نٜىٰ نَهَرْ أَبَدَا، كُواْيَرْوَرْكَ كُوَ غَسْكِيَثٜىٰ؞
143
مَسِيڢَ دَ دَامُوَ سُنْ مَڟَنِ، عُمَرْنَنْكَ سُونٜىٰ ڢَضٍ ثِكِنَ؞
144
ڧَٰعِدُواْدِنْكَ أَدَلْثِے نٜىٰ نَهَرْ أَبَدَا، بَانِ غَانٜىٰوَ دُواْمِنْ إِنْرَايُ؞
145
نَيِكِرَا دَ دُكَنْ ذُوثِيَاتَ، أَمْسَ مِنِ، يَا يَهْوٜىٰهْ! ذَنْ كِيَايٜىٰ ڧَٰعِدُواْدِنْكَ؞
146
نَيِ كِرَا غَرٜىٰكَ، ثٜىٰثٜىٰنِ! ذَنْ كِيَايٜىٰ ڧَٰعِدُواْدِنْكَ؞
147
كَاڢِنْ سَاڢِيَ نَيِ كِرَا نَنٜىٰمَنْ تَيْمَكُواْ، نَسَا ذُوثِيَا غَ مَغَنَرْكَ؞
148
كُواْوَثٜىٰ أَوَ تَدَرٜىٰ عِدَنُونَ سُنَ عَبُوطٜىٰ، دُواْمِنْ إِنْدِنْ‌غَ تُنَانِ عَكَنْ مَغَنَرْكَ؞
149
بِسَغَ ڧَوْنَرْكَ، جِ مُرْيَتَ، يَا يَهْوٜىٰهْ ، ثِكِنْ غَسْكِيَرْكَ، كِيَايٜىٰ رَيْنَ؞
150
مَاسُ مُوغُنْ نُڢِ، مَاسُ ڟَنَنْتَ مِنِ سُنْ مَڟُواْ كُسَ، سُنَ نٜىٰسَ دَ كُواْيَرْوَرْكَ؞
151
يَا يَهْوٜىٰهْ ، كَيْ كَنَنَنْ كُسَ، دُكَنْ عُمَرْنَنْكَ كُوَ غَسْكِيَ نٜىٰ؞
152
تُنْ تُنِ نَ كُواْيِ دَغَ ڧَٰعِدُواْدِنْكَ ثٜىٰوَ كَيْ كَكَڢَسُ حَرْ أَبَدَا؞
153
دُوبِے عَذَابَتَ كَكُمَ كُٻُتَرْ دَنِے، غَمَا بَانَ مَنْتَادَ كُواْيَرْوَرْكَ؞
154
ڟَرٜىٰ مُتُنْثِنَ، كَڢَنْشٜىٰنِ، بِسَغَ مَغَنَرْكَ، سَا إِنْرَايُ؞
155
ثٜىٰتُواْ دَيْ يَيِ نٜىٰسَ دَ مُوغَيٜىٰ، غَمَا بَسُ نٜىٰمِ سَنِنْ ڧَٰعِدُواْدِنْكَبَ؞
156
يَا يَهْوٜىٰهْ ، جِنْڧَنْكَ دَ غِرْمَ يَكٜىٰ، سَا إِنْ رَايُ بِسَغَ غَسْكِيَرْكَ؞
157
مَاسُ ڟَنَنْتَ مِنِ دَ أَبُواْكَنْ غَابَنَ سُنَدَ يَوَ، دُكْدَهَكَ بَنْكَوْثٜىٰ دَغَ ڧَٰعِدُواْدِنْكَبَ؞
158
نَدُوبِے مَاسُثِنْ أَمَانَ دَ ڨَمَ، غَمَا بَاسَكِيَايٜىٰ مَغَنَرْكَ؞
159
دُوبِے يَدَّ نَكٜىٰ ڧَوْنَرْ ڧَٰعِدُواْدِنْكَ، يَا يَهْوٜىٰهْ ، بِسَغَ ڧَوْنَرْكَ مَرَرْ ثَنْجَاوَا، كَكِيَايٜىٰنِ؞
160
ڨُويَرْ مَغَنَرْكَ غَسْكِيَثٜىٰ، دُكَنْ عُمَرْنَنْكَ مَاسُ أَدَلْثِے نٜىٰ حَرْ أَبَدَا؞
161
مَاسُ مُلْكِ سُنْ ڟَنَنْتَ مِنِ بَادَلِيلِ، عَمَّا ذُوثِيَاتَ تَنَ ڟُواْرُوانْ مَغَنَرْكَ؞
162
نِے مَيْ ڢَضٍ ثِكِ نٜىٰ ثِكِنْ مَغَنَرْكَ كَمَرْ مَيْ سَامُنْ دُوكِيَ مَيْ يَوَ؞
163
إِنَڧِنْ ڧَضْيَا، إِنَ كُمَ ڨَمَرْتَ، عَمَّا إِنَڧَوْنَرْ كُواْيَرْوَرْكَ؞
164
سَوْ بَݣَويْ أَ رَانَ إِنَ يَبُوانْكَ، سَبُواْدَ عُمَرْنَنْكَ مَاسُ أَدَلْثِے؞
165
مَاسُ ڧَوْنَرْ كُواْيَرْوَرْكَ سُنَدَ بَبَّرْ سَلَمَ، بَابُ أَبُ مَيْسَا سُتُنْتُٻٜىٰ؞
166
يَا يَهْوٜىٰهْ ، إِنَ سَا ذُوثِيَا غَ ثٜىٰتُوانْكَ، كُمَ إِنَ عَيْكَتَ عُمَرْنَنْكَ؞
167
رَيْنَ يَنَ كِيَايٜىٰ ڧَٰعِدُواْدِنْكَ، كُمَ إِنَ ڧَوْنَرْسُ ڨُورَيْ؞
168
إِنَ كِيَايٜىٰ عُمَرْنَنْكَ دَ ڧَٰعِدُواْدِنْكَ، غَمَا كَنَ غَنِنْ دُكَنْ تَڢِيَاتَ؞
169
يَا يَهْوٜىٰهْ ، بَرِ كُوكَنَ يَذُواْ غَبَنْكَ، بَانِ غَانٜىٰوَ بِسَغَ مَغَنَرْكَ؞
170
بَرِ أَدُّعَتَ تَذُواْ غَبَنْكَ، كُٻُتَرْ دَنِے بِسَغَ مَغَنَرْكَ؞
171
بَرِ لٜىٰٻُنَنْ بَاكِنَ سُٻَرْكٜىٰ دَ يَبُوانْكَ، غَمَا كَاكُواْيَ مِنِ ڧَٰعِدُواْدِنْكَ؞
172
بَرِ هَرْشٜىٰنَ يَيِ شٜىٰلَرْ مَغَنَرْكَ، غَمَا دُكَنْ عُمَرْنَنْكَ مَاسُ أَدَلْثِے نٜىٰ؞
173
بَرِ حَنُّنْكَ يَكَسَنْثٜىٰ أَشِرْيٜىٰ يَتَيْمَكٜىٰنِ، غَمَا نَا ذَاٻِ ڧَٰعِدُواْدِنْكَ؞
174
يَا يَهْوٜىٰهْ ، إِنَ مَرْمَرِنْ ثٜىٰتُوانْكَ، كُواْيَرْوَرْكَ عِتَثٜىٰ ڢَضٍ ثِكِنَ؞
175
بَرِ إِنْرَايُ دُوانْ إِنْيَبٜىٰكَ، كُمَ عُمَرْنَنْكَ سُتَيْمَكٜىٰنِ؞
176
نَكَوْثٜىٰ حَنْيَ كَمَرْ تُنْكِيَرْ دَتَٻَثٜىٰ، نٜىٰمٜىٰنِ، نِے بَاوَنْكَ، غَمَا بَنْمَنْتَادَ عُمَرْنَنْكَبَ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula