|
| 1 |
|
| بيشڪ اهي سڀاڳا آهن، جيڪي پوريءَ طرح سچ جي راهہ تي هلن ٿا، هائو، اهي ئي جيڪي خداوند جي شريعت تي عمل ٿا ڪن. |
|
| 2 |
|
| بيشڪ اهي سڀاڳا آهن جيڪي سندس حڪمن تي ٿا هلن، ۽ دل وَ جان سان سندس طالبو آهن. |
|
| 3 |
|
| بيشڪ اهي ڪا ئي بڇڙائي ڪين ٿا ڪن، بلڪ خداوند جي واٽن تي هلندا ٿا رهن. |
|
| 4 |
|
| اي خداوند! تو اسان کي پنهنجا قاعدا قانون انهيءَ لاءِ ڏنا آهن، تہ جيئن اسين انهن تي دل وَ جان سان عمل ڪريون. |
|
| 5 |
|
| شال منهنجي چال چلت اهڙي ثابت قدم هجي، جو آءٌ تنهنجي سڀني قاعدن قانونن تي عمل ڪريان! |
|
| 6 |
|
| پوءِ جڏهن آءٌ تنهنجي حڪمن تي ڌيان سان عمل ڪندس، تڏهن آءٌ ڪڏهن بہ شرمندو ڪين ٿيندس. |
|
| 7 |
|
| جيئن جيئن آءٌ تنهنجا صداقت وارا قاعدا سکندو ٿو وڃان، تيئن تيئن دل جي سچائيءَ سان تنهنجو شڪر ادا ٿو ڪريان. |
|
| 8 |
|
| آءٌ تنهنجي قاعدن قانونن تي عمل ڪندو رهندس، سو تون مون کي هرگز ڇڏي نہ ڏجانءِ. |
|
| 9 |
|
| جوان ماڻهو ڪيئن پنهنجي چال کي پاڪيزہ رکي ٿو سگھي؟ انهيءَ جي لاءِ هن کي تنهنجي فرمان تي عمل ڪرڻ ضروري آهي. |
|
| 10 |
|
| سو مون دل وَ جان سان تنهنجي طلب ڪئي آهي. اي خداوند! تون مون کي پنهنجي حڪمن کان ڀٽڪڻ نہ ڏجانءِ. |
|
| 11 |
|
| مون تنهنجي فرمان کي پنهنجيءَ دل ۾ سانڍي رکيو آهي، تہ جيئن تنهنجي خلاف ڪو گناهہ نہ ڪريان. |
|
| 12 |
|
| اي خداوند! تون سڳورو آهين، تون پنهنجا قاعدا قانون مون کي سيکار. |
|
| 13 |
|
| تنهنجا ٻڌايل اهي قاعدا آءٌ پنهنجي زبان سان ٻين آڏو بيان ڪندس. |
|
| 14 |
|
| تنهنجي حڪمن تي هلندي مون کي ايڏي خوشي ملي ٿي، جيڏي گھڻي دولت جي ڪري ٿئي ٿي. |
|
| 15 |
|
| آءٌ تنهنجي قاعدن قانونن تي غور ڪندو رهندس، ۽ تنهنجي واٽن تي ڌيان سان پيو هلندس. |
|
| 16 |
|
| آءٌ تنهنجي قاعدن قانونن کان خوش پيو رهندس. ۽ تنهنجي فرمان کي آءٌ ڪڏهن بہ نہ وساريندس. |
|
| 17 |
|
| تون پنهنجي هن بندي تي پنهنجو جھجھو احسان ڪر، تانتہ آءٌ جيئرو رهان ۽ تنهنجي فرمان تي عمل پيو ڪريان. |
|
| 18 |
|
| اي خداوند! منهنجيون اکيون کول، تانتہ آءٌ تنهنجي شريعت جا عجب اسرار ڏسي سگھان. |
|
| 19 |
|
| بيشڪ آءٌ هن ڌرتيءَ تي ٿوري دير لاءِ مسافر آهيان، اي خداوند! تون مون کان پنهنجا حڪم لڪائي نہ رکجانءِ. |
|
| 20 |
|
| منهنجي دل تنهنجي قاعدن لاءِ هميشہ آسائتي رهي ٿي، هائو، تنهنجي قاعدن قانونن کي ڄاڻڻ جي ڏاڍي اڪير اٿم. |
|
| 21 |
|
| تون مغرورن تي فتويٰ جاري ڪرين ٿو. هائو، اهي لعنتي آهن، جيڪي تنهنجي حڪمن جي نافرماني ڪندا ٿا وتن. |
|
| 22 |
|
| تون انهن کي مون تي ملامت ڪرڻ ۽ ڌڪارڻ نہ ڏي، ڇاڪاڻ تہ آءٌ تنهنجي قاعدن قانونن تي عمل ڪريان ٿو. |
|
| 23 |
|
| توڙي جو سردار بہ منهنجي خلاف سازشون ويٺا ڪن، تڏهن بہ تنهنجي هن بندي جو ڌيان تنهنجي قانونن تي رهندو. |
|
| 24 |
|
| تنهنجا قاعدا قانون منهنجي خوشين جو سبب آهن، ڇاڪاڻ تہ آءٌ انهن جي ئي صلاح تي ٿو هلان. |
|
| 25 |
|
| اي خداوند! منهنجي حياتي کُٽڻ تي آهي، تون پنهنجي واعدي موجب مون کي نئين حياتي عطا ڪر. |
|
| 26 |
|
| مون پنهنجا حالات تو کي ٻڌايا ۽ تو منهنجي رهنمائي ڪئي، اي خداوند! تون اڃا بہ مون کي پنهنجو هر قاعدو قانون سيکار. |
|
| 27 |
|
| تون مون کي پنهنجي قاعدن قانونن جي حقيقت سمجھاءِ، آءٌ تنهنجي انهن عجب اسرارن تي غور پيو ڪندو رهندس. |
|
| 28 |
|
| غم جي ڪري منهنجي جان ڳرندي وڃي ٿي، تون پنهنجي واعدي موجب مون کي طاقت عطا ڪر. |
|
| 29 |
|
| تون مون کي ڪوڙ واري هر راهہ کان پري رک، ۽ پنهنجي ٻاجھہ سان مون کي پنهنجي شريعت تي هلڻ سيکار. |
|
| 30 |
|
| مون وفاداريءَ واري واٽ چونڊي ورتي آهي، هائو، مون تنهنجي قاعدن قانونن کي پنهنجي سامهون رکيو آهي. |
|
| 31 |
|
| مون تنهنجي احڪامن کي چنبڙي ورتو آهي، سو اي خداوند! مون کي شرمندو ٿيڻ نہ ڏجانءِ. |
|
| 32 |
|
| جيئن جيئن تون پنهنجي حڪمن جي سمجھہ وڌائيندين، تيئن تيئن آءٌ تنهنجي راهہ تي تيزيءَ سان ڊوڙندس. |
|
| 33 |
|
| اي خداوند! مون کي پنهنجي قانونن جي راهہ ٻڌاءِ، آءٌ پوريءَ طرح انهيءَ تي هلندو رهندس. |
|
| 34 |
|
| هائو، مون کي سمجھہ عطا ڪر تہ تنهنجي شريعت تي عمل ڪريان، ۽ پنهنجي دل وَ جان سان انهيءَ تي هلندو رهان. |
|
| 35 |
|
| تون پنهنجي حڪمن جي وسيلي منهنجي رهنمائي ڪر، ڇاڪاڻ تہ انهيءَ ۾ ئي منهنجي خوشي آهي. |
|
| 36 |
|
| اي خداوند! منهنجيءَ دل کي دنياداريءَ کان بچائي، پنهنجي حڪمن ڏانهن مائل ڪر. |
|
| 37 |
|
| مون کي باطل شين ڏانهن مائل ٿيڻ کان باز رک، بلڪ پنهنجيءَ واٽ تي هلاءِ تہ جيئن حياتي عطا ٿئيم. |
|
| 38 |
|
| تون پنهنجي هن بندي سان پنهنجو اهو قول پورو ڪر، جيڪو تو پنهنجي فرمانبردارن سان ڪيو آهي. |
|
| 39 |
|
| تون مون کي ماڻهن جي انهيءَ خوفناڪ ملامت کان بچاءِ، جيڪا تنهنجي چڱن قاعدن قانونن تي هلڻ ڪري ڪئي وڃي ٿي. |
|
| 40 |
|
| ڏس، آءٌ تنهنجي قانونن جو ڪيڏو نہ سڪايل رهيو آهيان، هاڻ تون پنهنجي سچائيءَ موجب مون کي نئون جياپو عطا ڪر. |
|
| 41 |
|
| اي خداوند! پنهنجيون رحمتون نازل ڪر، ۽ پنهنجي واعدي موجب مون کي بچائي وٺ. |
|
| 42 |
|
| پوءِ آءٌ ٺٺوليون ڪرڻ وارن کي ورندي ڏيئي سگھندس، ڇاڪاڻ تہ آءٌ تنهنجي واعدي تي ڀروسو ڪريان ٿو. |
|
| 43 |
|
| تنهنجي قاعدن قانونن تي ئي منهنجي اميد آهي، سو حق جي انهن ڳالهين کي منهنجي واتان جدا ٿيڻ نہ ڏجانءِ. |
|
| 44 |
|
| آءٌ هميشہ ۽ هر وقت تنهنجي شريعت تي عمل ڪندو رهندس. |
|
| 45 |
|
| هاڻ منهنجي زندگيءَ ۾ ڪا رڪاوٽ ڪين رهندي، ڇاڪاڻ تہ آءٌ تنهنجي قاعدن جو هميشہ طالبو آهيان. |
|
| 46 |
|
| آءٌ بادشاهن جي آڏو بہ تنهنجي حڪمن جو بيان ڪندي، هرگز شرمندگي محسوس نہ ڪندس. |
|
| 47 |
|
| مون کي تنهنجا حڪم پيارا آهن، جن تي عمل ڪرڻ سان مون کي خوشي حاصل ٿئي ٿي. |
|
| 48 |
|
| آءٌ تنهنجي حڪمن جو نہ رڳو احترام ٿو ڪريان، بلڪ انهن سان منهنجو عشق آهي. سو آءٌ تنهنجي قاعدن قانونن کي هميشہ پنهنجي آڏو رکندس. |
|
| 49 |
|
| اي خداوند! جيڪو واعدو تو پنهنجي هن بندي سان ڪيو آهي، ۽ جنهن جي تو مون کي اميد ڏياري آهي تنهن کي ياد ڪر. |
|
| 50 |
|
| تنهنجو واعدو ئي تہ مون کي زندگي ٿو بخشي، سو منهنجي مصيبت جي ڏينهن ۾ مون کي تسلي رهي ٿي. |
|
| 51 |
|
| مغرور ماڻهو مون تي ڏاڍيون ٺٺوليون ٿا ڪن، تڏهن بہ آءٌ تنهنجي شريعت کي هرگز ڪين ٿو ڇڏيان. |
|
| 52 |
|
| اي خداوند! تنهنجي قديم قاعدن کي ياد ڪندي مون کي تسلي ٿي ملي. |
|
| 53 |
|
| بدڪار ماڻهن کي تنهنجي شريعت جي خلاف هلندو ڏسي، منهنجي ڪاوڙ ڀڙڪا پيئي کائي. |
|
| 54 |
|
| هيءَ ڌرتي جنهن تي آءٌ ٿوريءَ دير لاءِ مسافر ٿي گذاريان ٿو، تنهن تي تنهنجا قاعدا قانون منهنجا گيت بڻجيو وڃن. |
|
| 55 |
|
| اي خداوند! رات جي اونداهين ۾ بہ آءٌ تو کي ئي ياد ڪريان ٿو، بلڪ تنهنجي شريعت تي هر دم عمل ڪندو رهان ٿو. |
|
| 56 |
|
| بيشڪ آءٌ خوشنصيب آهيان، جو تنهنجي قاعدن قانونن تي عمل ڪندو ٿو رهان. |
|
| 57 |
|
| اي خداوند! تون ئي تہ منهنجو سڀ ڪجھہ آهين. آءٌ واعدو ٿو ڪريان تہ تنهنجي شريعت تي عمل ڪندو رهندس. |
|
| 58 |
|
| آءٌ پنهنجي پوريءَ دل سان تنهنجي ٻاجھہ لاءِ ٿو پيو ليلايان، تون پنهنجي واعدي موجب مون تي رحم ڪر. |
|
| 59 |
|
| جڏهن مون پنهنجي چال چلت تي غور ڪيو هو، تڏهن مون پنهنجي قدمن کي تنهنجي شريعت ڏانهن ڦيريو هو. |
|
| 60 |
|
| آءٌ تنهنجي حڪمن تي عمل ڪرڻ ۾ جلدي ڪريان ٿو، هائو، انهن تي هلڻ ۾ آءٌ دير نہ ٿو ڪريان. |
|
| 61 |
|
| بدڪارن پنهنجي سازشن سان مون کي وڪوڙي ڇڏيو آهي، تنهن هوندي بہ مون تنهنجي شريعت کي ڪين وساريو آهي. |
|
| 62 |
|
| آءٌ تنهنجي سچن قاعدن قانونن لاءِ، آڌيءَ رات جو بہ اُٿي تنهنجو شڪرانو ڪريان ٿو. |
|
| 63 |
|
| آءٌ انهن سڀني جو ساٿي آهيان، جيڪي تنهنجو خوف ٿا رکن ۽ تنهنجي قاعدن تي عمل ٿا ڪن. |
|
| 64 |
|
| اي خداوند! هيءَ ڌرتي تنهنجي لافاني شفقت سان ڀرپور آهي. تون مون کي پنهنجا قاعدا قانون سيکار. |
|
| 65 |
|
| اي خداوند! بيشڪ تو پنهنجي واعدي موجب، پنهنجي بندي سان ڀلائي ڪئي آهي. |
|
| 66 |
|
| جيئن تہ مون تنهنجي حڪمن تي ايمان آندو آهي، سو مون کي حق سچ جي سڃاڻ ۽ دانائي سيکار. |
|
| 67 |
|
| مصيبت جي اچڻ کان اڳ ۾ آءٌ گمراهہ هئس، پر هاڻي آءٌ تنهنجي فرمان تي عمل ڪريان ٿو. |
|
| 68 |
|
| بيشڪ تون ڪيڏو نہ ڀلو ۽ ٻاجھارو آهين! اي خداوند! تون مون کي پنهنجا قاعدا قانون سيکار. |
|
| 69 |
|
| مغرور ماڻهو مون تي تهمتون ٿا هڻن، پر آءٌ پنهنجي پوريءَ دل سان تنهنجي قاعدن تي هلندو رهان ٿو. |
|
| 70 |
|
| انهن مغرورن جي دلين تي چرٻي چڙهي ويئي آهي، پر مون کي تنهنجي شريعت ۾ ڏاڍي خوشي ملي ٿي. |
|
| 71 |
|
| منهنجي لاءِ اهو چڱو ٿيو جو مون ڏک سٺا، ڇاڪاڻ تہ ان جي نتيجي ۾ مون تنهنجا قانون سکي ورتا. |
|
| 72 |
|
| تنهنجي زبان جا اهي حڪم مون لاءِ سون چانديءَ جي هزارين سڪن کان بہ وڌيڪ افضل آهن. |
|
| 73 |
|
| مون کي تنهنجي هٿن بڻايو آهي، هائو، آءٌ تنهنجو ئي خلقيل آهيان. سو مون کي اهڙي سمجھہ عطا ڪر، جو آءٌ تنهنجو هر حڪم ڄاڻي وٺان. |
|
| 74 |
|
| جيڪي تنهنجو خوف ٿا رکن، سي مون کي ڏسي خوش ٿيندا، ڇاڪاڻ تہ تنهنجي فرمان تي ئي منهنجي سڄي اميد آهي. |
|
| 75 |
|
| اي خداوند! آءٌ ڄاڻان ٿو تہ تنهنجا فيصلا سچا آهن، ۽ اهو بہ ڄاڻان ٿو تہ تو پنهنجي سچائيءَ مطابق مون کي ڏک ڏنا آهن. |
|
| 76 |
|
| تو پنهنجي هن بندي سان جيڪو واعدو ڪيو آهي، تنهن موجب پنهنجي دائمي ٻاجھہ سان مون کي تسلي ڏي. |
|
| 77 |
|
| جيئن تہ تنهنجي شريعت ئي منهنجي خوشين جو سبب آهي، سو مون تي پنهنجيون رحمتون نازل ڪر، تانتہ آءٌ جيئرو رهان. |
|
| 78 |
|
| شل مغرور خوار خراب ٿين جيڪي ناحق مون کي ڏکوئين ٿا! جڏهن تہ آءٌ تنهنجي قاعدن قانونن تي غور ڪندو رهندس. |
|
| 79 |
|
| جيڪي تنهنجو خوف ٿا رکن، ۽ تنهنجي شريعت جو لحاظ ٿا ڪن، شال اهي مون سان اچي شامل ٿين! |
|
| 80 |
|
| شل منهنجي دل پوريءَ طرح تنهنجي قانونن کي مڃيندي رهي! تانتہ مون کي ڪڏهن بہ شرمندگي نہ ٿئي. |
|
| 81 |
|
| اي خداوند! آءٌ ڇڏائجڻ جو انتظار ڪندي ڪندي بيحد ماندو ٿي پيو آهيان، تنهن هوندي بہ منهنجي اميد تنهنجي واعدي تي آهي. |
|
| 82 |
|
| تنهنجي واعدي کي واجھائيندي منهنجي اکين ۾ ڌنڌ اچي پيو آهي. اي خداوند! تون ڪڏهن مون کي تسلي بخشيندين؟ |
|
| 83 |
|
| جيتوڻيڪ منهنجو حال ڀڳل ٺڪر جهڙو اچي ٿيو آهي، تڏهن بہ مون تنهنجي قانونن کي ڪين وساريو آهي. |
|
| 84 |
|
| تنهنجي هن بندي جي عمر ئي ڪيتري آهي، جو تون انتظار ڪرائيندين! تون ڪڏهن انهن کي سزا ڏيندين جيڪي مون کي ستائين ٿا؟ |
|
| 85 |
|
| اهي ئي مغرور ماڻهو، جيڪي شريعت تي نہ ٿا هلن، تن منهنجي واسطي کڏون کوٽيون آهن. |
|
| 86 |
|
| تنهنجا سمورا حڪم حق سچ آهن، جڏهن تہ دشمن ناحق مون کي ستائين ٿا. سو تون اچي منهنجي مدد ڪر. |
|
| 87 |
|
| اهي ذري گھٽ مون کي ڌرتيءَ تان ئي فنا ڪرڻ تي هئا، تڏهن بہ مون تنهنجي قاعدن کان منهن ڪين موڙيو. |
|
| 88 |
|
| تون پنهنجي دائمي ٻاجھہ موجب مون کي حياتي بخش، تانتہ آءٌ تنهنجي زبان جي حڪمن تي عمل ڪندو رهان. |
|
| 89 |
|
| اي خداوند! تنهنجو فرمان ابد تائين رهندو، اهو تنهنجي عرش عظيم وانگر هميشہ قائم وَ دائم آهي. |
|
| 90 |
|
| تنهنجي وفا پيڙهي بہ پيڙهي قائم رهي ٿي، جيئن تو ڌرتيءَ جو بنياد وڌو آهي ۽ اها قائم آهي. |
|
| 91 |
|
| سڀيئي شيون تنهنجي حڪم سان اڄ ڏينهن تائين قائم آهن. بيشڪ هر شيءِ تنهنجي ئي تابعدار آهي. |
|
| 92 |
|
| جيڪڏهن تنهنجي شريعت منهنجي خوشيءَ جو باعث نہ هجي ها، تہ هوند آءٌ پنهنجي ڏکن ۾ ناس ٿي وڃان ها. |
|
| 93 |
|
| آءٌ تنهنجي قاعدن قانونن کي ڪڏهن بہ ڪين وساريندس، ڇاڪاڻ تہ انهن جي ئي وسيلي تو مون کي زندگي بخشي آهي. |
|
| 94 |
|
| اي خداوند! مون کي اچي بچاءِ، ڇاڪاڻ تہ آءٌ تنهنجو ئي آهيان، ۽ هميشہ تنهنجي قاعدن قانونن جو طالبو رهيو آهيان. |
|
| 95 |
|
| بڇڙا ماڻهو مون کي برباد ڪرڻ جي لاءِ تاڙيو ويٺا آهن، پر منهنجو ڌيان تنهنجي حڪمن تي ئي رهي ٿو. |
|
| 96 |
|
| مون اهو ئي ڏٺو آهي تہ هر ڪماليت جي حد مقرر آهي، پر تنهنجو حڪم ايڏو تہ وسيع آهي، جنهن جي ڪا حد مقرر ڪانهي. |
|
| 97 |
|
| اي خداوند! تنهنجي شريعت مون کي ڪيڏي نہ پياري آهي! آءٌ سڄو ڏينهن انهيءَ تي غور ڪندو رهندو آهيان. |
|
| 98 |
|
| هائو، اهي حڪم هميشہ مون سان گڏ آهن، جن مون کي منهنجي دشمنن کان وڌيڪ داناءُ بڻايو آهي. |
|
| 99 |
|
| آءٌ پنهنجي سڀني استادن کان وڌيڪ سمجھہ رکان ٿو، ڇاڪاڻ تہ آءٌ تنهنجي شريعت تي غور ڪندو رهان ٿو. |
|
| 100 |
|
| مون کي وڏي عمر وارن کان بہ وڌيڪ سمجھہ آهي، ڇاڪاڻ تہ آءٌ تنهنجي قاعدن قانونن تي عمل ڪندو رهان ٿو. |
|
| 101 |
|
| مون پنهنجا قدم هر بُري واٽ کان پري رکيا آهن، تانتہ آءٌ تنهنجي فرمان تي هلندو رهان. |
|
| 102 |
|
| مون تنهنجي قاعدن قانونن کان ڪڏهن منهن نہ موڙيو آهي، ڇاڪاڻ تہ منهنجو سکيا ڏيندڙ تون خداوند آهين. |
|
| 103 |
|
| تنهنجيون ڳالهيون منهنجي لاءِ ڪيڏيون نہ مٺڙيون آهن، هائو، منهنجي وات جي لاءِ اهي ماکيءَ کان بہ وڌيڪ مٺيون آهن. |
|
| 104 |
|
| تنهنجي قاعدن جي وسيلي مون کي سمجھہ عطا ٿئي ٿي، تنهنڪري مون کي بدڪاريءَ واري هر راهہ کان نفرت آهي. |
|
| 105 |
|
| تنهنجو فرمان منهنجي راهہ جو ڏيئو آهي هائو، اهو منهنجيءَ واٽ لاءِ سوجھرو آهي. |
|
| 106 |
|
| مون جيڪو قسم کنيو آهي تنهن تي قائم آهيان، تہ آءٌ تنهنجي سچن قاعدن قانونن تي عمل ڪندو رهندس. |
|
| 107 |
|
| اي خداوند! آءٌ ڏاڍو ڏکايل آهيان، تون پنهنجي ڪيل واعدي موجب مون کي جيئرو رک. |
|
| 108 |
|
| اي خداوند! منهنجي واتان شڪراني جا نذرانا قبول فرماءِ، ۽ مون کي پنهنجا قاعدا قانون سيکار. |
|
| 109 |
|
| جيتوڻيڪ منهنجي جان هر وقت تريءَ تي ٿي رهي، تنهن هوندي بہ آءٌ تنهنجي شريعت کي نہ ٿو وساريان. |
|
| 110 |
|
| هائو، بدڪار ماڻهن مون لاءِ ڦندو اڏيو آهي، پر تڏهن بہ آءٌ تنهنجي قاعدن کان نہ ڦريو آهيان. |
|
| 111 |
|
| مون تنهنجي شريعت کي پنهنجي لاءِ ابدي ميراث بڻايو آهي، ڇاڪاڻ تہ تنهنجا احڪام منهنجي دل جي خوشي آهن. |
|
| 112 |
|
| مون پنهنجي دل تنهنجي قاعدن قانونن سان لڳائي آهي، تانتہ آءٌ انهن تي هر دم عمل پيو ڪريان. |
|
| 113 |
|
| جيڪي ماڻهو تو سان ٻِہدليا ٿي هلن ٿا، تن کان مون کي نفرت آهي. جڏهن تہ مون کي تنهنجي شريعت سان دلي محبت آهي. |
|
| 114 |
|
| تون منهنجي جاءِپناهہ ۽ منهنجو محافظ آهين، منهنجي اميد تنهنجي واعدي تي ئي آهي. |
|
| 115 |
|
| سو اوهين، اي بدڪار ماڻهو! مون کان ڀڄي پري ٿيو، آءٌ پنهنجي خدا جي احڪامن تي عمل ڪندو رهندس. |
|
| 116 |
|
| اي خداوند! پنهنجي واعدي موجب مون کي سنڀال، تانتہ آءٌ جيئرو رهان. منهنجي انهيءَ اميد تي مون کي شرمندو ٿيڻ نہ ڏجانءِ. |
|
| 117 |
|
| هائو، اي خداوند! مون کي سنڀالي وٺ تانتہ آءٌ سلامت رهان، ۽ تنهنجي قاعدن قانونن تي غور پيو ڪندو رهان. |
|
| 118 |
|
| جيڪي تنهنجي قانونن کان ڦري ويا آهن، تن کي تون حقير ٿو ڄاڻين. سندن اها دغابازي بلڪل ئي بيفائدي آهي. |
|
| 119 |
|
| تون ڌرتيءَ جي سڀني بدڪارن کي ڪَسُ جيان ڪڍي ڦٽو ڪرين ٿو. اهو ڏسي آءٌ تنهنجي شريعت کي پيار ڪريان ٿو. |
|
| 120 |
|
| اي خداوند! تنهنجي خوف کان منهنجا لڱ ڪانڊارجن ٿا، آءٌ تنهنجي فيصلن کان ڊڄندو رهان ٿو. |
|
| 121 |
|
| آءٌ حق ۽ سچ تي عمل ڪندو رهان ٿو، سو جيڪي مون تي ظلم ٿا ڪن، تن جي حوالي مون کي نہ ڪجانءِ. |
|
| 122 |
|
| منهنجي ڀلائيءَ جي واسطي تون منهنجي ذميواري کڻ، تانتہ مغرور مون تي ظلم نہ ڪن. |
|
| 123 |
|
| ڇڏائڻ لاءِ اوسيئڙو ڪندي منهنجيون اکيون ڌنڌلائجي ويون آهن. هائو، ڇڏائڻ وارو تنهنجو واعدو واجھائيندي، منهنجي نظر گھٽجي ويئي آهي. |
|
| 124 |
|
| پنهنجي هن بندي سان پنهنجي دائمي ٻاجھہ مطابق سلوڪ ڪر، ۽ مون کي پنهنجا قاعدا قانون سيکار. |
|
| 125 |
|
| آءٌ تنهنجو ئي بندو آهيان، مون کي سمجھہ عطا ڪر، تانتہ آءٌ تنهنجي سڄي شريعت کي ڄاڻي وٺان. |
|
| 126 |
|
| اي خداوند! وقت اچي ويو آهي جو تون ڪجھہ ڪرين، ڇاڪاڻ تہ ماڻهن تنهنجي شريعت کي ٽوڙيو آهي. |
|
| 127 |
|
| جڏهن تہ آءٌ تنهنجي حڪمن کي سون، بلڪ نج سون کان بہ وڌيڪ عزيز رکان ٿو. |
|
| 128 |
|
| انهيءَ ڪري جو آءٌ تنهنجي سڀني قاعدن کي سچو سمجھان ٿو، ۽ هر ڏنگيءَ راهہ کان نفرت ڪريان ٿو. |
|
| 129 |
|
| اي خداوند! تنهنجي شريعت ڪيڏي نہ عظيم ترين آهي! تنهنڪري آءٌ پوريءَ دل سان انهيءَ تي عمل ڪريان ٿو. |
|
| 130 |
|
| تنهنجي ڳالهين جي تشريح روشني عطا ڪري ٿي، اها اٻوجھن کي بہ سمجھہ عطا ڪري ٿي. |
|
| 131 |
|
| آءٌ تنهنجي حڪمن جو ايڏو تہ مشتاق آهيان، جو هر وقت انهن جو سڪايل ٿو رهان. |
|
| 132 |
|
| اي خداوند! مون ڏانهن ڌيان ڏي، ۽ مون تي پنهنجو اهو ئي رحم فرماءِ، جيڪو تو کي پنهنجي پيار ڪرڻ وارن تي ڪرڻ جڳائي ٿو. |
|
| 133 |
|
| تون پنهنجي واعدي مطابق منهنجي چال کي درست رک، ائين نہ ٿئي جو ڪا بڇڙائي مون تي غالب اچي پوي. |
|
| 134 |
|
| مون تي ظلم ڪرڻ وارن کان مون کي اچي بچاءِ، تانتہ آءٌ تنهنجي قاعدن قانونن تي عمل ڪندو رهان. |
|
| 135 |
|
| تون پنهنجي هن ٻانهي تي ٻاجھہ جي نظر ڪر، ۽ مون کي پنهنجا قانون سيکار. |
|
| 136 |
|
| منهنجي اکين مان پاڻيءَ جون نديون ٿيون وهن، ڇاڪاڻ تہ ماڻهو تنهنجي شريعت تي عمل نہ ٿا ڪن. |
|
| 137 |
|
| اي خداوند! بيشڪ تون صادق آهين، تنهنجا قاعدا قانون بلڪل سچا آهن. |
|
| 138 |
|
| تو پنهنجي شريعت ۾ جيڪي بہ حڪم ڏنا آهن، سي سچا ۽ ڀروسي جهڙا آهن. |
|
| 139 |
|
| منهنجي دشمنن تنهنجي فرمان کي پٺي ڏيئي ڇڏي آهي، تنهنڪري منهنجي غيرت مون ۾ جوش ٿي کائي. |
|
| 140 |
|
| تنهنجو واعدو بلڪل سچو آهي، تنهنڪري تنهنجو هي بندو انهيءَ کي پيار ڪري ٿو. |
|
| 141 |
|
| آءٌ خسيس ۽ حقير تہ آهيان، پر تڏهن بہ تنهنجي قاعدن کي ڪين ٿو وساريان. |
|
| 142 |
|
| تنهنجي سچائي ابدي سچائي آهي، تنهنجي شريعت بلڪل سچي آهي. |
|
| 143 |
|
| جيتوڻيڪ مون کي تڪليفن ۽ رنج اچي وڪوڙيو آهي، تڏهن بہ تنهنجا حڪم منهنجي خوشيءَ جو ڪارڻ آهن. |
|
| 144 |
|
| تنهنجي شريعت ازل کان ابد تائين سچي آهي، اي خداوند! مون کي سمجھہ عطا ڪر تہ آءٌ جيئرو رهان. |
|
| 145 |
|
| آءٌ پوريءَ دل سان تو کي پڪاريان ٿو، اي خداوند! منهنجو عرض ٻڌ. آءٌ تنهنجي قاعدن قانونن تي عمل ڪندو رهندس. |
|
| 146 |
|
| آءٌ تو کي فرياد ٿو ڪريان، مون کي بچائي وٺ، تہ آءٌ تنهنجي شريعت تي عمل ڪندو رهندس. |
|
| 147 |
|
| پرهہ ڦٽڻ کان اڳ ۾ اُٿي آءٌ تو کي فرياد ڪريان ٿو، ڇاڪاڻ تہ مون کي تنهنجي واعدي تي اميد آهي. |
|
| 148 |
|
| رات جي هر پهر ۾ منهنجيون اکيون کُليل رهن ٿيون، تانتہ آءٌ تنهنجي چيل ڳالهين تي غور ويچار ڪندو رهان. |
|
| 149 |
|
| اي خداوند! پنهنجي دائمي ٻاجھہ مطابق منهنجو فرياد ٻڌ، ۽ پنهنجي فيصلي موجب مون کي حياتي عطا ڪر. |
|
| 150 |
|
| مون کي ستائيندڙ، جيڪي تنهنجي شريعت کان بہ پري آهن، سي بدخواهيءَ وچان منهنجي ويجھو پوندا ٿا وڃن. |
|
| 151 |
|
| پر اي خداوند! تون تہ انهن کان بہ منهنجي ويجھو آهين، ۽ تنهنجا سمورا حڪم ڀروسي جهڙا آهن. |
|
| 152 |
|
| گھڻي وقت کان ئي مون تنهنجي شريعت بابت سمجھي ڇڏيو آهي، تہ تو انهيءَ کي هميشہ هميشہ لاءِ قائم ڪيو آهي. |
|
| 153 |
|
| اي خداوند! منهنجي مصيبت تي نظر ڪر ۽ مون کي ڇڏائي وٺ، ڇاڪاڻ تہ مون تنهنجي شريعت کي نہ وساريو آهي. |
|
| 154 |
|
| تون منهنجي ڪيس جي وڪالت ڪر ۽ مون کي اچي ڇڏاءِ، تون پنهنجي ڪيل قول موجب مون کي حياتي عطا ڪر. |
|
| 155 |
|
| بيشڪ بدڪار ماڻهن کي نہ بچايو ويندو، ڇاڪاڻ تہ اهي تنهنجي قاعدن قانونن جي طلب ئي نہ ٿا ڪن. |
|
| 156 |
|
| پر اي خداوند! پنهنجي فيصلن موجب مون کي حياتي بخش، ڇاڪاڻ تہ تنهنجيون رحمتون بيحد گھڻيون آهن. |
|
| 157 |
|
| توڙي جو مون کي ستائڻ وارا ۽ منهنجا دشمن گھڻا آهن، تڏهن بہ آءٌ تنهنجي احڪامن کان پري نہ هٽيو آهيان. |
|
| 158 |
|
| تو سان دغابازي ڪندڙن کي ڏسي مون کي نفرت آئي، ڇاڪاڻ تہ اهي تنهنجي احڪامن تي عمل نہ ٿا ڪن. |
|
| 159 |
|
| ڏس، اي خداوند! مون کي تنهنجا قاعدا ڪيڏا نہ عزيز آهن! تون پنهنجي دائمي ٻاجھہ مطابق مون کي حياتي عطا ڪر. |
|
| 160 |
|
| تنهنجو پورو فرمان تنهنجي وفا تي ٻڌل آهي، سو تنهنجا سمورا قاعدا قانون هميشہ سچ تي قائم رهندا. |
|
| 161 |
|
| زورآور ماڻهو مون کي بيسبب ستائين ٿا، پر منهنجيءَ دل ۾ رڳو تنهنجي فرمان جو ڊپ آهي. |
|
| 162 |
|
| مون کي تنهنجي واعدن جي ڪري اهڙي خوشي ملي ٿي، جهڙي ڪنهن کي جھجھو غنيمت وارو مال ملڻ سان. |
|
| 163 |
|
| ڪوڙ کان مون کي نفرت آهي ۽ آءٌ انهيءَ کي ڌڪاريان ٿو، پر تنهنجي شريعت کي آءٌ بيحد پيار ڪريان ٿو. |
|
| 164 |
|
| آءٌ تنهنجي انهن سچن قاعدن قانونن جي ڪري روزانو بار بار تنهنجي واکاڻ ڪندو ٿو رهان. |
|
| 165 |
|
| جيڪي تنهنجي شريعت کي چاهين ٿا، تن لاءِ جھجھي سلامتي ۽ خوشحالي آهي. اهي ڪڏهن ڪو ٿاٻو بہ نہ کائيندا. |
|
| 166 |
|
| اي خداوند! آءٌ منتظر آهيان تہ تون ئي مون کي ڇڏائيندين، ڇاڪاڻ تہ آءٌ تنهنجي حڪمن تي عمل ڪندو ٿو رهان. |
|
| 167 |
|
| مون تنهنجي شريعت تي دل وَ جان سان عمل ڪيو آهي، ڇوجو آءٌ تنهنجي انهن احڪامن سان بيحد پيار ڪريان ٿو. |
|
| 168 |
|
| آءٌ تنهنجي قاعدن قانونن تي عمل ڪندو ٿو رهان. ڏس، منهنجيون سڀيئي واٽون تنهنجي آڏو آهن. |
|
| 169 |
|
| اي خداوند! منهنجو فرياد شال تنهنجي حضور ۾ پهچي! تون واعدي موجب پنهنجي فرمان جي سمجھہ عطا ڪر. |
|
| 170 |
|
| هائو، منهنجي التجا شال تنهنجي حضور ۾ پهچي! تون پنهنجي ڪيل واعدي موجب مون کي اچي ڇڏاءِ. |
|
| 171 |
|
| منهنجي واتان تنهنجي واکاڻ ٿيندي رهندي، ڇاڪاڻ تہ تون مون کي پنهنجا قاعدا قانون سيکارين ٿو. |
|
| 172 |
|
| منهنجي زبان تنهنجي فرمان جا گيت پيئي ڳائيندي، ڇاڪاڻ تہ تنهنجا سمورا حڪم بلڪل برحق آهن. |
|
| 173 |
|
| شال تنهنجو هٿ منهنجي مدد لاءِ سدائين تيار رهي! ڇاڪاڻ تہ مون تنهنجي قاعدن کي چونڊي کنيو آهي. |
|
| 174 |
|
| اي خداوند! سخت اوسيئڙو اٿم، تون اچي مون کي بچاءِ. تنهنجي شريعت ئي منهنجي خوشين جو سبب آهي. |
|
| 175 |
|
| سو تون مون کي بچائي جيئرو رک، تانتہ آءٌ تنهنجي واکاڻ ڪندو رهان! شال تنهنجا قاعدا قانون منهنجي رهنمائي ڪندا رهن! |
|
| 176 |
|
| آءٌ گم ٿيل رڍ جيان ڀٽڪي ويو آهيان، تون اچي پنهنجي هن بندي کي ڳولي لهہ، ڇاڪاڻ تہ آءٌ تنهنجي حڪمن کي ڪڏهن نہ ٿو وساريان. |
|
|
|
|