×

Tedim Bible 1977

Tingtoeng 121

1
Keimah in mual tung lam ka ento hi. Keimah huhna koi lai pan hong pai ding ahi hiam?
2
Van leh lei a bawl Topa kiang panin keima huhna hong pai hi.
3
Amah in ka khe taalsak lo ding a, kei hong kempa lusu lo ding hi.
4
En un, Israel a kempa pen lusu lo a, zong ihmu lo hi.
5
Topa in nangmah hong cing ding a, nangmah hong hu dingin na kiangah hong om hi.
6
Sun-in ni in nang hong gimsak lo ding a, zan-in kha in nang hong sukha lo ding hi.
7
Topa in, siatna khempeuh panin nang hong hu ding a, amah in a muanhuai-in nang hong kem ding hi.
8
Topa in, tu-a kipan a tawntungin na pusuahna na sungtumna-ah nang hong kem ding hi.
Chin Tedim Bible 1977
Tedim Bible Society of Myanmar, 1977
:
Save Notes