×

IBhayibhili Elingcwele Bible 2003

AmaHubo 123

1
Ngiphakamisela amehlo ami kuwe, wena osesihlalweni sobukhosi emazulwini!
2
Njengalokhu amehlo ezisebenzi ekhangela isandla somqatshi wazo, lanjengoba amehlo encekukazi ekhangela isandla senkosikazi yayo, kanjalo amehlo ethu akhangela kuThixo uNkulunkulu wethu, aze abe lomusa kithi.
3
Woba lomusa kithi, Oh Thixo, woba lomusa kithi, ngoba sesidiniwe yikweyiswa.
4
Sesibhensele ukuhozwa okunengi ngabazigqajayo, ukweyiswa yilabo abaklolodayo.
Ndebele Bible 2003
IBhayibhili Elingcwele LesiNdebele™ BEN™ 2003, 2006, 2022 Biblica, Inc
:
Gcina Amanothi