×

हिंदी बाइबिल

भजन संहिता 124

1
अगर यहोवा हमरे संग नाहीं होतेन तउ इस्राएल क कहइ द्या,
2
अगर यहोवा हमरे संग नाहीं होत, जब हमार बिरोधी हम लोगन पइ हमला किहे रहेन?
3
तब हमार दुस्मन हमका जिअत ही निगल गए होतेन जब उ पचे गुस्सा भए रहेन।
4
तब हमार सत्रुअन क फउजन बाढ़ क तरह हमका बहावत भइ उ नदी क जइसी होइ जातिन जउन हमका बोरत रही होइँ।
5
तब उ सबइ घमण्डी लोग उ पानी जइसे होइ जातेन जउन हमका बोरत भवा हमरे मुँहना तलक बाढ़त आवति होइ।
6
यहोवा क गुण गावा। उ हमरे दुस्मनन क हमका धरइ नाहीं दिहस अउर न ही मारइ दिहस।
7
हम पचे जालि मँ फँसा भवा उ पंछी जइसा रहेन जउन फुनि बचि निकरा होइ। जालि फाटि फुट गवा अउर हम बचिके निकरे।
8
यहोवा जउन सरग अउ धरती क बनाएस ह। हमार मदद किहेस।
Awadhi Bible 2005
Easy-to-Read Version 2005 World Bible Translation Center
:
नोट्स सहेजें