×

WẼNNAAM SEBRE 2014

Yɩɩla 124

1
Zeruzalɛm kẽnd yɩɩlle. A Davɩɩd yɩɩlle. Sẽn-Ka-Saab sã n dag n ka beẽ ne tõndo, bɩ Israyɛll nebã yeele:
2
Sẽn-Ka-Saab sã n dag n ka beẽ ne tõnd wakat ning nebã sẽn wa n yik zabr ne tõndã,
3
nebã rag n na n velẽ-la tõnd vɩɩs wakat ning b sũyã sẽn yik ne tõndã.
4
Sẽn-Ka-Saab sã n dag n ka beẽ ne tõndo, koomã rag n na n limẽ-la tõnd n looge, ko-zoetmã rag n na n dɩẽ-la tõndo.
5
Sẽn-Ka-Saab sã n dag n ka beẽ ne tõndo, ko-fõtem dag n na n limẽ-la tõndo.
6
Bɩ Sẽn-Ka-Saab paam pẽgre, bãmb sẽn ka bas tɩ d bɛɛbã zendem tõnd ne b yẽnã yĩnga.
7
Tõnd põsa wa liuul sẽn põs tãoogẽ, tãoogã gĩs kaoome, tɩ tõnd põse.
8
Sẽn-Ka-Saab sẽn yaa yĩngr la tẽng naandã yʋʋr n fãagd tõndo.
Mossi MPBU 2014
Moore Bible Bible Society of Burkina Faso, 2014
:
Save Notes