×

EƲEGBE BIBLIA 2014

Psalmowo 125

1
Ame siwo ɖoa dzi ɖe Aƒetɔ ŋu la, le abe Zion-to si womate ŋu aʋã o, eye wòli tegbee la ene.
2
Ale si towo ƒo xlã Yerusalem va kpe ɖo la, nenema Aƒetɔ ƒo xlã eƒe dukɔe, tso fifia yi ɖe mavɔ me.
3
Elabe nuvɔ̃ɖi wɔwɔ ƒe fiatikplɔ manɔ te ɖe anyigba si wotsɔ na ame dzɔdzɔewo la dzi o. Ne menye nenema o la, ame dzɔdzɔewo ade asi nuvɔ̃ɖi wɔwɔ me.
4
Aƒetɔ, wɔ nyui na ame nyuiwo kple ame siwo wɔa nu dzɔdzɔe le dzime.
5
Ke ame siwo dze ɖe woawo ŋutɔ ƒe mɔ gɔglɔ̃ dzi la, Aƒetɔ akplɔ wo akpe ɖe nuvɔ̃ɖi wɔlawo ŋu ayii. Ŋutifafa nenɔ Israel!
Ewe Bible 2014
EƲEGBE BIBLIA The Bible Society of Togo, 2014
:
Save Notes