×

MUMA MALER 1976

Zaburi 128

1
Ng’ato ka ng’ato moluoro Ruoth Nyasaye, kendo marito chikene, en jahawi.
2
Iniyud gik moko duto misetiyonigi, bende inidhi maber, kendo inibed mamor.
3
Chiegi nochal gi yadh mzabibu manyago olemo mang’eny e dalani, kendo e sa ma yawuoti olworo mesa ka chiemo, to ginichal gi yiend zeituni maloth.
4
Adier, ng’at moluoro Ruoth Nyasaye, noguedh mana kamano!
5
Onego Ruoth Nyasaye guedhi gie Sayun, e kinde duto mag ngimani.
6
Onego idag aming’a, mondo ine nyikwayi. Israel mondo obed gi kue!
Luo Bible 1976
Dholuo DC Bible Bible Society of Kenya and Bible Society of Tanzania, 1976
:
Ket weche mandiki