×

Adamawa 1994

Jabuura 129

1
Yimre jahaaŋgal haa Urusaliima. “Diga mi derkeejo, yimɓe tokki ɓillugo yam – bana nii, sey Isra'iila wi'a,
2
diga mi derkeejo, konne'en tokki ɓillugo yam, ammaa ɓe njaalaaki yam.
3
Remooɓe ndemi ɓaawo am, ɓe ndiidi kaatorooji juuɗɗi dow maago.
4
Jawmiraawo o adiliijo, o ta'i kaɓɓorli halluɓe.”
5
Sey wanyɓe Siyona fuu tosko, loro ɓaawo!
6
Ɓe laato bana huɗo dow soorowol. Ko yooran hiddeko goɗɗo ɗoofa ko,
7
walaa ba'anɗo ko koo seɗɗa, walaa baɗanɗo ba'e ngam hoorugo ko.
8
Saalotooɓe ton mbi'ataa on: “Barka Jawmiraawo dow mooɗon, min ɗon mbarkiɗina on bee innde Jawmiraawo.”
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe