×

EBIBILIA ENCHENU 2020

ZABURI 129

1
“Ababisa nigo batochandete korwa oboke bwaito.” Nabo Abaisraeli bagoteba.
2
“Ee, barabwo nigo batochandete korwa oboke bwaito, korende tibana‐gotobua.
3
Abaremi bakang’ororia emegongo yaito, bagakora emeng’ororia yabo emetambe.”
4
Omonene nigo are omonyene oboronge, ere obutoire chingori chi’abakori amabe.
5
Abwo bonsi bagechete Sayoni, tiga basookigwe na koonchorwa gochia nyuma.
6
Barabwo tiga babe buna obonyansi bore kerama igoro, bogosusana botarakina;
7
tibori goichora okoboko kw’omosangereria, gose kobogwa omosaima okoboko.
8
Abanto bagoeta inchera tibakonyara goteba, “Omonene abasesenie!” Gose goteba, “Nkobasesenia tore inwe ase erieta ri’Omonene!”
Gussi Bible 2020
OLD EKEGUSII BIBLE PROTESTANT EDITION Bible Society of Kenya, 2020
:
Save Notes