×

Ika Bible 2018

Ẹbụ-ọma 129

1
E mẹọlẹ wẹ m ihiẹn bu ọda gha ẹhụ nwa-ndu m lala! Ndị Izrẹlụ wẹ ku ẹ.
2
“E mẹọlẹ wẹ m ihiẹn bu ọda gha ẹhụ nwa-ndu m lala, kanị, wẹ eke saẹka mẹri m.
3
A dụkpọgụọ wẹ m azụụn kẹ w'a dụkpọ alị-ugbo, gu ahịrị sueni yesọnmẹ ẹ.
4
Kanị, Osolobuẹ wụ onyẹ ezi-omumẹ, o tibepụgụọ ẹgbụn ndị-ejẹ kẹn m!
5
Wẹ chụkin ndị ile ize Zayọnụ e ze azụụn, gbe ifẹnrẹn ye wẹ ihun.
6
Wẹ họnrin ẹfịfịa pu elu ụlọ, hụn e shinwụn ebe o kelẹni sue;
7
hụn wẹ ghalẹni a ghọrị mọbụ e kpọnrin,
8
hụn ndị ghafekọnị ghalẹni e kele, ‘Osolobuẹ ya gọzi ụnụ! Ẹnyi gi ẹfan Osolobuẹ a gọzi ụnụ!’ ”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes