×

Maayong Balita 2012

SALMO 129

1
O Israel, sugiri kami kon daw ano kapintas ang paghingabot sa imo sang imo mga kaaway halin pa sang pamatan-on ikaw.
2
“Halin sang pamatan-on pa ako, ang akon mga kaaway naghingabot sa akon sing mapintas, pero wala sila makadaog sa akon.
3
Ginpamilasan nila sing madalom ang akon likod, kag ginhimo nila ini nga daw inarado nga talamnan.
4
Pero ang Ginoo nga matarong, naghilway sa akon sa pagkaulipon.”
5
Kabay nga ang tanan nga nagadumot sa Sion malutos kag mapaisol!
6
Kabay manginkaangay sila tanan sang hilamon nga nagatubo sa mga atop sang balay, nga nagakalaya sa wala pa ini magabot.
7
Wala sing nagatipon sini, ukon nagadala sini nga nabugkos.
8
Wala gid sing may nagaagi nga magasiling, “Kabay ang Ginoo magbendisyon sa inyo! Ginabendisyunan namon kamo sa ngalan sang Ginoo!”
Ilonggo Bible 2012
Maayong Balita nga Biblia Philippine Bible Society, 2012
:
Save Notes