×

Ika Bible 2018

Ẹbụ-ọma 13

1
Euu Osolobuẹ, elee mgbe k'i k'a zọbehi m? N'ị zọ m jẹnrin ejẹn? Elee ogẹn kẹ y'e zuemẹbehini m enwẹn i?
2
Elebe m'e roru iroro? Elee mgbe kẹ ụfụ rị m obi ụhụọhịn ile e gi bi? Elee ogẹn kẹ ndị-iṅẹnrẹn m k'e mẹribehi m?
3
Euu Osolobuẹ wụ Chuku m, lee m ẹnya ihun — n'ị za m! Dodo, mẹ m leghamazị ụzọ, amamgbe m'a ranhịn ụran ọnwụn —
4
eṅẹnrẹn m a sị, “E mẹrigụọ m'a;” ndị-iṅẹnrẹn m a ghọghọma n'a dangụọ m.
5
Kanị, ihiẹn-ọsụsụọ ị ghalẹni a latọ ndị nke i kẹ m gi dọn ẹnya; obi m ya ghọghọ makẹ nzụọpụha ị.
6
M k'a bụnị Osolobuẹ ẹbụ, makẹni o mẹgụọnị m ọhụnma ọda-ọda.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes