×

Maayong Balita 2012

SALMO 13

1
Tubtob pa bala san-o ang pagkalimot mo sa akon, O Ginoo? Wala bala sing katapusan? Tubtob pa bala san-o nga magpanago ka sa akon?
2
Tubtob pa bala san-o batason ko ang kasakit? Tubtob pa bala san-o ang pagpangalisod sang akon tagipusoon sa adlaw kag sa gab-i? Tubtob pa bala san-o ang pagdaog sa akon sang akon mga kaaway?
3
Tamda kag sabta ako, O Ginoo nga akon Dios. Iuli ang akon kusog, indi pag-itugot nga ako mapatay.
4
Indi pagtugoti nga ang akon mga kaaway magsiling, “Nalutos namon sia.” Indi sila pagtugoti nga makapangalipay sa akon pagkapukan!
5
Nagasalig ako sa imo mapinadayunon nga gugma, magakalipay ako, tungod kay luwason mo ako.
6
Magaamba ako sa imo, O Ginoo, tungod sa gihapon maayo ka sa akon.
Ilonggo Bible 2012
Maayong Balita nga Biblia Philippine Bible Society, 2012
:
Save Notes