×

MUMA MALER 1976

Zaburi 13

1
A Ruoth Nyasaye, wiyi biro wil koda chutho nyaka karang’o? Koso pod ibiro lalna kuom kinde marom nadi?
2
Pod abiro bet kathagora gi rem nyaka karang’o’ ka kuyo opong’o chunya odiechieng’ gotieno? Wasika nobed gi loch kuoma nyaka karang’o?
3
A Ruoth Nyasacha, ranga mondo idwok kwayona. Dwokna tekona mondo kik atho,
4
nikech dipo ka wasika owacho ni, “Waseloye!” Mi gibed mamor ni asepodho.
5
To an ageno kuom herani mosiko. Abiro bedo mamor nimar isewara.
6
Abiro wer ni Ruoth Nyasaye, nimar osebedona mang’won.
Luo Bible 1976
Dholuo DC Bible Bible Society of Kenya and Bible Society of Tanzania, 1976
:
Ket weche mandiki