×

Fɔs Oli Baybul 2013

Sam 130

1
Nainsay siriɔs trɔbul a de we a de pre to yu so, PAPA GƆD, duya yɛri mi prea.
2
Lisin to wetin a de se ɛn av masi pan mi,
3
PAPA GƆD, if yu bin de kɔnt ɔl di bad we wi de du, PAPA GƆD, udat fit fɔ tinap bifo yu?
4
Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.
5
A abop pan PAPA GƆD, bikɔs a no se i go du wetin i se.
6
A so abop pan PAPA GƆD pas aw wachman de abop fɔ lɛ do klin, na dat a se, pas aw wachman de abop fɔ lɛ do klin.
7
Izrɛl pipul una put una abop pan PAPA GƆD! In na PAPA GƆD we nɔ de gens fɔ lɛk pɔsin ɛn i rɛdi fɔ sev ɔltɛm.
8
Nain sem wan go sev Izrɛl ɛn pul di pipul sin kɔmɔt pan dɛn.
Krio Bible 2013
Krio Bible The Bible Society of Sierra Leone, 2013
:
Sev Notis dɛn