Ika Bible 2018
|
| 1 |
| Ja nị Osolobuẹ mma, ja nị ẹfan Osolobuẹ mma!! Idibo Osolobuẹ, Ja n'a mma!! |
| 2 |
| Ụnụ ndị turu ụlọ Osolobuẹ, ndị turu ezi-ọgwa Chuku ẹnyi. |
| 3 |
| Ja nị Osolobuẹ mma, makẹni Osolobuẹ arịka mma; gi ni ẹbụ ja ẹfan a mma, makẹni ihiẹn rị mma rọ. |
| 4 |
| Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn. |
| 5 |
| A marịnghọ m nị Osolobuẹ e hikẹ ogbe, nị Di-nwọnni-ẹnyi ka mmọn ile. |
| 6 |
| Ihiẹn ọwụlẹ Osolobuẹ chọ k'o mẹ, kẹ imẹ elu-igwee kẹ elu ụwa kẹ imẹ ohimin ile kẹ imẹ-imẹ alị. |
| 7 |
| Ịya e gi orukpu rịkwọrị ebe ụwa ru e buhẹ mirin-ozuzue; ịya e mẹ amụma e be ebe mirin rị e zue, a gha ebe o butọ ihiẹn e wepụha ufere. |
| 8 |
| Ịya gbu ụmụ-ibuzọ ile rị alị Ijiptu: kẹ nwa-ibuzọ ịhịan kẹ nke anụ. |
| 9 |
| Ọ rụnghọ ihiẹn-nghọsị imẹ alị Ijiptu, ya lẹ ọrụn-atụmẹnya ndị ọ rụn, gi wẹ mẹshi eze Ijiptu wụ Fẹro lẹ ihu ẹ ikẹn. |
| 10 |
| Ọ nọ tikpọ alị bu ọda, gbu ndị-nze wẹ te a kpa ikẹn: |
| 11 |
| Sihọnụ eze Amọ lẹ Ọgụ eze Bashanị, lẹzi alị-eze ile wẹ lẹ wẹ rị Kenaanị. |
| 12 |
| Ọ nọ we alị wẹ ye ndị nke ẹ weri, ndị nke ẹ wụ Izrẹlụ. |
| 13 |
| Osolobuẹ, ẹfan ị k'a rị jẹnrin ejẹn, agbọ ile k'a nụ ẹfan ị, |
| 14 |
| makẹni Osolobuẹ k'a tụnị ndị nke ẹ ụya, o k'e mẹ omikẹn idibo ẹ. |
| 15 |
| Mmọn alị ndị ọzọ e fe wụsọnmẹ siliva lẹ goru, ọrụn-ẹka ịhịan mmaka. |
| 16 |
| Wẹ nwọn ọnụ bụ w'a ra ku oku; wẹ nwọn ẹnya bụ w'a ra legha ụzọ. |
| 17 |
| Wẹ nwọn ntịn bụ w'a ra nụ ihiẹn; w'a ra kwọn. |
| 18 |
| Ndị hụ kpụnị wẹ sikọ d'a nọ kẹ wẹ; ẹrịra kẹ ndị ile gi wẹ dọn ẹnya k'a nọ. |
| 19 |
| Ikpụlọ Izrẹlụ, ja nị Osolobuẹ mma! Ikpụlọ Ẹrọnụ, ja nị Osolobuẹ mma! |
| 20 |
| Ikpụlọ Livaị, ja nị Osolobuẹ mma! Ụnụ ndị a tụ egun Osolobuẹ, ja nị Osolobuẹ mma! |
| 21 |
| Gha nị obodo Zayọnụ ja Osolobuẹ mma, ja nị Onyẹ hụ bi Jerusalẹm mma. Ja nị Osolobuẹ mma! |
| Save Notes |
https://beblia.bible:81/BibleAudio/ika/psalms/135.mp3
150
135