×

Ika Bible 2018

Ẹbụ-ọma 136

1
Kpanmịn nị Osolobuẹ, makẹni ọ rịka mma, makẹni ihiẹn-ọsụsụọ a rị jẹnrin ejẹn.
2
Kpanmịn nị Chuku hụn ka mmọn ile, makẹni ihiẹn-ọsụsụọ a rị jẹnrin ejẹn.
3
Kpanmịn nị Nna ndị wụ nna, makẹni ihiẹn-ọsụsụọ a rị jẹnrin ejẹn.
4
Kpanmịn nị Onyẹ ahụn ya sụọ a rụn okẹn ọrụn-atụmẹnya, makẹni ihiẹn-ọsụsụọ a rị jẹnrin ejẹn.
5
Kpanmịn nị Onyẹ ahụn gi ẹka a ke igwere; makẹni ihiẹn-ọsụsụọ a rị jẹnrin ejẹn.
6
Kpanmịn nị Onyẹ ahụn gbama ụwa ye elu mirin, makẹni ihiẹn-ọsụsụọ a rị jẹnrin ejẹn.
7
Kpanmịn nị Onyẹ hụn mẹmẹ ukpẹ ndị ahụn hi-ogbe; makẹni ihiẹn-ọsụsụọ a rị jẹnrin ejẹn:
8
o mẹmẹ ẹnyanwụn n'ọ kị efinaị; ihiẹn-ọsụsụọ a rị jẹnrin ejẹn;
9
o mẹmẹ ifọn lẹ kokisẹ ni wẹ kị imẹ uhinhin; ihiẹn-ọsụsụọ a rị jẹnrin ejẹn.
10
Kpanmịn nị Onyẹ ahụn gbu ikẹnnyẹ ibuzọ rị alị Ijiptu, makẹni ihiẹn-ọsụsụọ a rị jẹnrin ejẹn.
11
Ọ gha imẹ Ijiptu wepụha Izrẹlụ; ihiẹn-ọsụsụọ a rị jẹnrin ejẹn.
12
Ẹka zeni lẹ ẹka o gi a kpa ikẹn k'o gi mẹ ẹ; ihiẹn-ọsụsụọ a rị jẹnrin ejẹn.
13
Kpanmịn nị Onyẹ hụn kewa Ohimin Ufie ẹbụọ, makẹni ihiẹn-ọsụsụọ a rị jẹnrin ejẹn.
14
O we ndị Izrẹlụ ghafe adamada a; ihiẹn-ọsụsụọ a rị jẹnrin ejẹn.
15
Kanị o feyịya Fẹro eze Ijiptu lẹ ndị agha a ye imẹ ohimin ufie; ihiẹn-ọsụsụọ a rị jẹnrin ejẹn.
16
Kpanmịn nị Onyẹ hụn du ndị nke ẹ imẹ atụ, makẹni ihiẹn-ọsụsụọ a rị jẹnrin ejẹn.
17
O titu ndị-nze wẹ marịn amarịn; ihiẹn-ọsụsụọ a rị jẹnrin ejẹn.
18
O gbu ndị nze a kpa ikẹn ọda-ọda; ihiẹn-ọsụsụọ a rị jẹnrin ejẹn:
19
o gbu Sihọnụ eze Amọ; ihiẹn-ọsụsụọ a rị jẹnrin ejẹn;
20
o gbu Ọgụ eze Bashanị; ihiẹn-ọsụsụọ a rị jẹnrin ejẹn,
21
we alị wẹ ye odibo ẹ weri; ihiẹn-ọsụsụọ a rị jẹnrin ejẹn.
22
O we ẹ ye odibo ẹ wụ Izrẹlụ weri; ihiẹn-ọsụsụọ a rị jẹnrin ejẹn.
23
Kpanmịn nị onyẹ hụ nyanhan ẹnyi kẹ ẹnyi rị imẹ ụya, makẹni ihiẹn-ọsụsụọ a rị jẹnrin ejẹn;
24
ọ gbapụha ẹnyi ẹka ndị-iṅẹnrẹn ẹnyi; ihiẹn-ọsụsụọ a rị jẹnrin ejẹn.
25
Kpanmịn nị onyẹ hụn e ye ihiẹn ile rị ndụn ihiẹn-oriri; ihiẹn-ọsụsụọ a rị jẹnrin ejẹn.
26
Kpanmịn nị Chuku hụn rị elu-igwee, makẹni ihiẹn-ọsụsụọ a rị jẹnrin ejẹn!!
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes