×

हिंदी बाइबिल

भजन संहिता 137

1
बाबुल क नदियन क किनारे बइठिके हम सिय्योन क याद कइके रोइ पड़ेन।
2
हम लगिचे क बेंत क झाड़ियन पइ आपन सबइ वीणा टाँगेन।
3
बाबुल मँ जउन लोग हमका बन्दी बनाए रहेन, उ पचे हम से गावइ क कहेन। अत्याचारियन हम से खुसी क गीत गावइ क कहेन। उ पचे कहेन, “हमरे बरे सिय्योन क गीत गावा।”
4
मुला हम यहोवा क गीतन क कउनो दूसर देस मँ कइसे गाइ सकित ह।
5
हे यरूसलेम, अगर मइँ तोहका बिसरउँ, तउ मइँ बिसरि जाउँ कि कइसा गीत गाइ जात ह।
6
हे यरूसलेम, अगर मइँ तोहका याद न रखेउँ, अगर मइँ बड़ा खुसी क जइसा बेउहार न करेउँ, तउ मइँ कउनो गीत गावइ मँ असमर्थ रहेउँ।
7
हे यहोवा, याद करा एदोमियन उ दिना जउन किहे रहेन। जब यरूसलेम हार ग रहा, उ पचे चीखिके बोले रहेन, ऍका चीर डावा अउर नेंव तलक एका बर्बाद करा।
8
हे बाबुल, तोहका उजार दीन्ह जाइ। उ मनई क धन्य कहा जउन तोहका उ सजा देइ जउन तोहका मिलइ चाही। उ मनई क धन्य कहा जउन तोहका उ मुसीबत देइ जइसा तू हमका मुसीबत दिहे रहा।
9
उ मनई क धन्य कहा जउन तोहरे गदेलन क चट्टान पइ झपटिके पछार देइ।
Awadhi Bible 2005
Easy-to-Read Version 2005 World Bible Translation Center
:
नोट्स सहेजें