×

MUMA MALER 1976

Zaburi 137

1
Ne wabet piny e bath aore mag Babulon, mi waywak ka waparo Sayun.
2
Ne wang’awo thumbewa e yien man kanyo.
3
Joma ne omakowa ne owachonwa mondo wawernigi wend Sayun.
4
To ere kaka dwawer wend Ruoth Nyasaye e piny jomoko nono?
5
Kapo ni wiya nyalo wil kodi, yaye Jerusalem, to onego bada ma agoyogo thum, tal.
6
Ee, ka ok apari, kendo ka ok aparo ni in e morna maduong’, to lewa mondo omok e danda!
7
A Ruoth Nyasaye, parie gima ne jo-Edom otimo, chieng’ mane okaw Jerusalem! Adier, ne gisiko giwacho niya, “Mukeuru mondo oruombre piny!”
8
In Babulon bende ibiro kethi, kendo ng’at ma ochuloni kuor kuom gik ma isetimonwa en jahawi!
9
Ee, ng’at mokawo nyithindi, mochwado e lwanda, en jahawi!
Luo Bible 1976
Dholuo DC Bible Bible Society of Kenya and Bible Society of Tanzania, 1976
:
Ket weche mandiki