×

Naawuni Kundi Kasi 2011

Yila 138

1
Yawɛ, n ni paɣ’ a ni n suhu zaa. N ni yili yila paɣ’ a wuna sani.
2
N zaŋla n nina kpa a jɛmbu duu la, ka gbani paɣ’ a yuli a yurilim maŋli la min’ a ʒiɛyimtali la zuɣu, dama a duh’ a yuli min’ a yɛligu gari shɛlikam.
3
N ni daa suh’ a dahin’ shɛli, a daa deei n suhigu, ka pahi ma kpiɔŋ.
4
Yawɛ, dunia ŋɔ nanim’ zaa ni paɣ’ a, dama bɛ wum a yɛtɔɣa.
5
Yawɛ, bɛ ni yili yila yɛl’ a tuma yɛla, dama nyin’ Yawɛ jilima galisiya pam.
6
Yawɛ, hal a ni kul be zuɣusaa ha maa zaa yoli, a baɣa be tarimba ni, amaa a be katiŋ’ ka chɛ karimbaannima.
7
Hal muɣisigu yi gili ma niŋ sunsuuni gba, a yihiri ma di puuni ni alaafee. A kul yihiri ma n dimnim’ bɛn suhu yiɣisi bahi n zuɣu nuu ni. A teer’ a nudirigu n-fari ma bahira.
8
Yawɛ, a ni niŋ a ni lo ma alikauli ni a ni niŋ shɛlikam ti ma. Yawɛ, a yurilim maŋli la kul ni beni sahakam. Di zaŋ a nuhi tuma bahi.
Dagbani Bible 2011
Red Letter Dagbani Bible Society of Ghana, 2011
:
Save Notes