1
Yehova la, mi nda asi mani ma ale ’bo, mi ni ma ra!
2
Mani riria azini mani engaria, mi ni ra; mi va egata mani de yi re ’dale.
3
Mi acita mani geriari pi o’bi laza mani vari be, mi geri mani ’diyi oni dria.
4
E’yo aluni ma andre etia mini nile kuni yo, Yehova la, mi ni eri teketeke.
5
Mi omi ma vile azini drile, azini mi ti mi dri ma dria.
6
Ondua ’diri ovu osutaru tu, eri aga eyikiza mani ra; eri ovu uru tu, ma econi cazu vunia ku.
7
Ma nga mu apazu Orindi minirisi ngoa ya? Pari mini ovuzu yo mani apazu aniri ngoa ya?
8
Ma ka tu uru ’bua, ’dale mi indi! Ma ka pari mani lazuri ede Pari ’ba drazaniria, mi ne, ’dale mi indi!
9
Ma ka sa opile o’bitinirisi, ma ka ovu miri ma kala asizuria ti,
10
’dale indi mi nga ma dri ce dri minisi, mi nga ma bi mi dri ndirisi ra.
11
Ma ka ’yo ra kini, Adam inini nga ma a’buni, te etu ma ageiari ma eca iniru:
12
adaru, ini econi afa zizaru mi ma milia ku, te iniri dizaru ekile etule; ini pi etu be yi trotro mi ma milia cinyaniri aga ra. Mani engaria o’duasi, ma ovu nga mi be ’dani.
13
Mi si ndra ma ale mi’i, mi eci ma dria tualu ma andri ma opojoa.
14
Ma nga mi inzi, a’disiku geri mini ma ’bazuri uriuriru azini osuzaru! ’Yeta mini ’diyi ovu osuzaru! Asi mani ni e’yo ’diri tu ndi ndi.
15
Falako mani ovuni ndra zizaru mi dri nikokoru ku mini ma ederia pari zizaruri ma alia, mini ma ’baria onduasi pari ele tu nyaku aliaria.
16
Mi mile ne ndra ma ra, de nga edeni ma rua be ku; mi si rua mani ma esele alu alu dria buku mini ma alia, o’du mini edele ma dri ’diyi pie, de nga yi ovuni aluni ku.
17
Asisile mini indi yi ovu aluzaru tu ma vu ’doni ya, Mungu la! Kalafe yini ovu amboru tu aga ra! Ma ka o’bi yi lazu, yi kalafe cinyaniri aga ra. Mani engaria o’duasi, ma ovu nga mi be ’dani.
18
Ma ka o’bi yi lazu, yi kalafe cinyaniri aga ra. Mani engaria o’duasi, ma ovu nga mi be ’dani.
19
Adaru, mi nga ’ba onzi ofu, Mungu; emi nga ma ageiasi, emi ’ba lepi ari adapi ’diyi.
20
A’disiku yi e’yo onzi ’yo mi dri, ari’ba mini yi mi ru co toko
21
Yehova la, ma nguni ’ba mi ngupi onzi ’diyi ku ya? Asi mani isuni candi yini engale omba ’bale mi berisi ku ya?
22
Ma ngu yi onzi asi driasi; ma la yi ari’ba maniru.
23
Mi ma nda asi mani ma ale fo, Mungu, mi ma ni asi mani! Mi o’bi ma fo, mi ma ni eyikiza mani!
24
Mi ne geri onzi ka ovu ma alia ci yani, mi ce ma dri geri ’dani ’daniri ma alia fo! (’Ba ongo dri ecepiri dri. Zaburi Daudini.)
Lugbara Bible 1966
Bible in Lugbara United Bible Societies, 1966.