×

RUAC KUƆTH IN RƐL RƆ 1998

Diit 14

1
La nɛy ti dɔa̱a̱r a ruac kä rɔ̱ɔ̱diɛn wäkɛ i̱, “Thilɛ ɣɔw Kuoth.” Kɛn diaal cikɛ jiäk, kä lat kɛn ni lät dɔ̱ɔ̱rä, thilɛ ram kɛl kä kɛ mi lät mi gɔaa.
2
Kä la guic Kuoth Nhial naath ni nhial kɛ ɣöö bɛ nɛn, mi tëë kɛ nɛy ti lät pɛlä, nɛy ti görkɛ ni guur Kuɔth.
3
Ci kɛn diaal cu bath kɛn diaal cikɛ jiääk ɛlɔ̱ŋ, thilɛ ram kɛl kä kɛ mi lät mi gɔaa, thilɛ, a cäŋɛ ram kɛl.
4
A ku kɛ thil ŋäc ŋɔaani kɛn ji̱ la̱a̱t jiäkni diaal, tin la camkɛ nɛɛkä ce̱tnikɛ juray, kä /cikɛ Kuoth nhial cɔl kɛ luäk?
5
Bikɛ te rikä mi di̱i̱t ɛn wani, kɛ ɣöö te Kuoth kɛɛl kɛ buɔ̱n mi lät ni cuŋ.
6
Kä yɛn ji̱ nyuɔɔni yär yɛn cär nɛɛni tin can, duundɛ ɣöö bi Kuoth Nhial kɛ gaŋ.
7
Dëë ka̱n ji̱ I-thɛ-rɛl ku ben kä Dha-yɔn! Mi wä Kuoth Nhial nɛɛkɛ nyɔk kɛ luc gɔykiɛn, bi kuay Je-kɔb lɔcdiɛn tɛɛth kä bi kuay I-thɛ-rɛl lɔcdiɛn cu gɔaa.
Nuer Bible 1998
Nuer Bible Bible Society in South Sudan 1998, 2012
:
Tɔ̱a̱w Notethni̱