Naawuni Kundi Kasi 2011
|
| 1 |
| Yawɛ, fam’ ma ninvuɣ’ biɛri nuu ni bahi; guli ma, ka duŋtaariba ku paai ma. |
| 2 |
| Bɛ nyɛla bɛn lo nia biɛri bɛ suhuri ni, ka kul bɔrila zabili. |
| 3 |
| Bɛ chɛ ka bɛ zilima dirimi kaman tinvura zilima la, ka garinsi lɔɣu be bɛ noya ni. |
| 4 |
| Yawɛ, guli ma ka yihi ma ninvuɣ’ biɛri nuu ni, Guli ma ka yihi ma duŋtaariba bɛn lo ni bɛ chɛ ka n lu la nuu ni. |
| 5 |
| Karimbaannim’ bari ma la tɔŋ, ka teei bɛ mihi sɔŋ kaman laŋ’ la, bɛ bari ma la zana soli zuɣu. |
| 6 |
| N yɛli Yawɛ, “Nyini n-nyɛ n Naawuni. Yawɛ, gbilisim’ tibili wum n suhigu.” |
| 7 |
| Yawɛ ŋun nyɛ n Duuma ŋɔ, nyini n-nyɛ n kpiɔŋlan’ ŋun fari ma bahira. A zaŋ bini pili n zuɣu tɔbu tuhibu dali. |
| 8 |
| Yawɛ, di chɛ ka ninvuɣ’ biɛri suhuyubu niŋ; di chɛ ka bɛ di nasara bɛ ni lo nia biɛ’ shɛŋa ni. |
| 9 |
| Ninvuɣ’ shɛb’ bɛn gili ma la, chɛ ka bɛ noya ni yɛli yɛlibiɛ’ shɛŋa la lab’ ʒini bɛ zuɣu. |
| 10 |
| Chɛ ka buɣim salinɛma lu bɛ zuɣu. Chɛ ka bɛ zaŋ ba bahi bɔɣ’ zilima ni, ka bɛ ku lan tooi yi di ni na. |
| 11 |
| Di chɛ ka munaafichinim’ be tiŋgbɔŋ maa ni. Chɛ ka zaɣ’ biɛɣu di bɛn yuri duŋ taabu pam! |
| 12 |
| M mi ni Yawɛ baɣa be nandaamba ni, ka o zabiri faranim’ zuɣu. |
| 13 |
| Yɛlimaŋli, wuntizɔriba ni paɣ’ a yuli; ninvuɣ’ shɛb’ bɛn be tibi ni ti be a sani. |
| Save Notes |
https://beblia.bible:81/BibleAudio/dagbani/psalms/140.mp3
150
140