Ika Bible 2018
|
| 1 |
| Dodo Osolobuẹ, zụọpụha m ẹka eje-ịhịan; anịkwọlẹ ndị egbu-lẹ-egbu mẹ m ihiẹn ọwụlẹ. |
| 2 |
| W'a mama eje-ihiẹn imẹ obi wẹ, e se oku lẹ agha ụhụọhịn ile. |
| 3 |
| Ire wẹ hụ a tụ nkọ kẹ nke agwọ; ẹdide ẹjụ-alị rị wẹ ọnụ. |
| 4 |
| Dodo Osolobuẹ, anịkwọlẹ ẹka eje-ịhịan kwọn m; anịkwọlẹ onyẹ egbu-lẹ-egbuni mẹ m ihiẹn ọwụlẹ, ndị-ejẹni hụn rị e zu kẹ w'e mẹ kọntu m. |
| 5 |
| Ndị mpache e shigụọnị m ọnyan zuemẹ; a gbamagụọ wẹ ọga wẹ ụzọ kẹni wẹ gi ẹ nwụn m; e shitọsọnmẹgụọnị wẹ m ọnyan. |
| 6 |
| A sịgụọ m Osolobuẹ, “Ịyụ wụ Chuku m.” Dodo Osolobuẹ, gọn ntịn arịrịọ m! |
| 7 |
| Dodo Osolobuẹ-nwọnni-ẹnyi, Ikẹn hụn a zụọpụhanị m; Okpu-agha hụn e kpumẹ m isi ọgbọ-agha. |
| 8 |
| Osolobuẹ dodo eyekwọlẹ ndị njọ ihiẹn wẹ rị a chọ; anịkwọlẹ eje-ihiẹn wẹ mama gha amamgbe w'a pachemẹ. |
| 9 |
| Ndị kehunmẹni m wẹ gi isi wẹ buru ihiẹn ọnụ wẹ sehẹni wẹ; |
| 10 |
| wẹ hukpu wẹ ikeke-ọkụn isi; wẹ tụ wẹ ye imẹ ọkụn, imẹ okẹn mgbugbu; wẹ tọ ebẹhụ. |
| 11 |
| Onyẹ kuja oku ịhịan y'a ghalẹ ihun imẹ alịnị; eje-ihiẹn ya chụ eje-ịhịan, nwụndọn ẹ. |
| 12 |
| A marịnghọ m nị Osolobuẹ k'a hannị ndị wẹ rị e mẹgbu eṅẹn; ọ hụn a nị ndị mkpa gi e nwọnhẹn ihiẹn runi wẹ. |
| 13 |
| Ẹghẹẹ, ndị ezi-omumẹ k'a ja ẹfan ị mma; ndị obibi wẹ kụrụ ọtọ k'e bi ebe ị rị. |
| Save Notes |
https://beblia.bible:81/BibleAudio/ika/psalms/140.mp3
150
140