Fɔs Oli Baybul 2013
|
| 1 |
| PAPA GƆD, duya, pul mi kɔmɔt na bad pipul an; duya sev mi frɔm dɛn wan we kin jɛs atak pipul, |
| 2 |
| dɛn wan we kin dɔn plan di bad ɛn wan pipul fɔ de fɛt ɔltɛm. |
| 3 |
| Dɛn siti dɛn shap lɛkɛ snek yon; di wɔd we de kɔmɔt na dɛn mɔt fiba di pɔyzin we de kɔmɔt na snek mɔt. |
| 4 |
| PAPA GƆD, duya pul mi kɔmɔt na di bad pipul dɛn an, kɔba mi usay dɛn wan dɛn we kin jɛs de fɔ atak ɛn le ambush fɔ mi. |
| 5 |
| Dɛn wan we de kak dɔn plan fɔ mi; dɛn so dɔn mek di bagin dat ɔl dɛn trap fɔ kech mi de na rod. |
| 6 |
| PAPA GƆD, a de tɛl yu se, “Yu na mi PAPA GƆD.” PAPA GƆD, duya yɛri we a de beg yu fɔ av masi. |
| 7 |
| PAPA GƆD, mi waŋren PAPA GƆD, na yu nɔmɔ ebul sev mi, na yu nɔmɔ ebul pul mi ed kɔmɔt na wɔfrɔnt. |
| 8 |
| PAPA GƆD, duya nɔ mek bad pipul gɛt wetin dɛn want; nɔ lɛ wetin dɛn plan bi. |
| 9 |
| Lɛ ɔl udat de biɛn mi, dɛn ed tot di trɔbul we dɛn bin dɔn plan fɔ mi. |
| 10 |
| Lɛ faya kɔmɔt ɔp klawd fɔdɔm pan dɛn, lɛ dɛn trowe dɛn insay faya, lɛ dɛn fɔdɔm insay ol we gɛt pɔtɔpɔtɔ we dɛn nɔ go ebul kɔmɔt insay. |
| 11 |
| Lɛ dɛn wan we jɛs de fɔ pwɛl pipul nɔ gɛt ples fɔ de, ɛn lɛ siriɔs trɔbul mit dɛn wan we lɛk fɔ atak pipul. |
| 12 |
| A no se PAPA GƆD de fɛt fɔ poman ɛn mek dɛn gɛt dɛn rayt. |
| 13 |
| Udat de du tin tret wan go prez yu, ma! Ɛn yu go de luk afta ɔl udat de du wetin yu se. |
| Sev Notis dɛn |
https://beblia.bible:81/BibleAudio/krio/psalms/140.mp3
150
140