Ika Bible 2018
|
| 1 |
| Dodo Osolobuẹ, m rị a kpọku i; bịakẹnrin d'e yeni m ẹka; dodo, m kpọ ị oku, y'a za m! |
| 2 |
| Narịn ekpere m nọkẹ ẹjan nsẹnsi, y'a narịn ẹka m kịshi elu nọkẹ ẹjan-ẹnyasị. |
| 3 |
| Osolobuẹ dodo, butọ onyẹ-nche ọnụ m; e che ụgb'ọnụ m nche amamgbe m'e kufie. |
| 4 |
| Anịlẹ eje-ihiẹn la m ẹnya hụn m'e gi sọn ndị-ejẹ mẹmẹ ihiẹn wẹ e mẹ. Anịlẹ m sọn wẹ ri ezigbo ihiẹn-oriri ndị hụ w'e ri. |
| 5 |
| Onyẹ ezi-omumẹ ya fịan m ihiẹn, ẹfọma rọ; ya jụgbọ m, udẹn k'ọ wụ m isi. Isi m ajụkọ udẹn-ọma nọ ẹrịra! Kanị ọgụn ọgụn kẹ m'a lụsọn eje-ihiẹn ndị eje-omumẹ e mẹ imẹ ekpere m; |
| 6 |
| wẹ k'a gha elu-ugu tụtu ndị-ndu wẹ; ogẹn ahụn, ndị-ejẹ e kweri nị ihiẹn m ku hụghọ mma. |
| 7 |
| Wẹ k'a sị, “A kụkpụkpọgụọ wẹ ọkpụkpụ ẹnyi kẹ w'a dụkpọ ẹjan zeni alị-ugbo, tọ mgbọngbọn ili.” |
| 8 |
| Kanị Osolobuẹ-nwọnni-ẹnyi, ịyụ kẹ m rị e lee; ịyụ kẹ m gbọnni; alakwọlẹ m tọnị ọnwụn. |
| 9 |
| Anịlẹ m dan ọnyan wẹ shitọnị m, ọnyan ndị-ejẹ shitọsọnmẹ. |
| 10 |
| Ndị njọ wẹ danye ọga ndị ahụn wẹ gi shi ọnyan, mmẹ nwẹn, nị m ghafe pẹrẹ. |
| Save Notes |
https://beblia.bible:81/BibleAudio/ika/psalms/141.mp3
150
141