×

Bukuit Ne Tilil 2020

TIENWOGIKAL 141

1
Kaaguurin Jehovah; chogu nyonja: Epchi it kutinnyu, ye aguurin.
2
Ingotogosta saennyu ko u nyamdutik eng’ taing’ung’; Ingoigei eunekyuk che anamjini barak, korosiot ne bo koskoleny.
3
Nde ribindet kutinnyu, ee Jehovah; Rib kurgetab kutinnyu.
4
Ametokyi muguleldanyu kiy age tugul ne ya, Koboisie boisionikab tengekto Koboto bik che yaei tengekto: Amechamwa aam tugukwak che anyiny.
5
Ingobira ne bo iman, si koek noto ne mie; Ak ingogera kong’, kogergeit anyun noto ak mwaita ne mi metinnyu; Amat koesio metinnyu: Amu mametoi asa agot eng’ kwenutab tengekwogikwak.
6
Kigitoorta kiruogikwak kong’irtae ruandet, Kogas anyun ng’alekyuk; amu anyinyen.
7
Ko u ye ibati chito ng’onyut ak kogereri, Ko u noto iseeroksei kowekyok eng’ kutitab kererit.
8
Amu inyalin konyekyuk, ee Jehovah Kiptaiyat: Amang’un inye; amegochi sobondanyu kobanan.
9
Riba si manama mestet ne kiriich ichek agobo ane, Ak mestonokab yaikab yaitio.
10
Ingobutyi kiptengeginik mestonokwak, Ye achilili.
Kalenjin Bible 2020
God's word open for all Bible Society of Kenya, 2020
:
Save Notes