×

Guarani Tumpa Iñee 2001

142

1
Cheñeeäta reve ayerure yandeYa pe, cheñeeäta reve aiporu chupe iporoparareko.
2
Jae jóvai añono cheñeapo, jae jóvai amboyekuaata chepɨatɨtɨ.
3
Chepɨatɨtɨ yae yave, nde reikuaa ayapogüe. Jókuae tape ajaa rupi, oñono reta cheve ñuai.
4
Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!
5
CheYa Tumpa, asapúkai ndeve, jae: “Nde ko jae chereepɨ vae; ndeño ko reï cheveguarä.”
6
Eyeapɨsaka cheyerure re, echa chepɨatɨtɨ yae aï. Chereepɨ chemomburu vae reta güi, echa jae reta imbaepuere yae chegüi.
7
Cherenoe ayepɨɨ aï vae güi, chepuere vaerä romboete; jupi vae reta cheövata, echa nde cheparareko.
Guarani Bible 2001
Biblia DC Guaraní Bolivia Bolivian Bible Society, 2001
:
Guardar notas