×

Ika Bible 2018

Ẹbụ-ọma 142

1
M rị e weshi olu elu a kpọku Osolobuẹ; m rị a hị Osolobuẹ n'o mẹ omikẹn m.
2
M rị a gwaghọsị a k'ọ rị m; m rị a gwa a nsọngbu m.
3
Ebe ndụn nọ gụchanrịn m, ịyụ sụọ marịn k'ọ rị m. E shigụọ wẹ ọnyan zuemẹni m ụzọ m'a gha.
4
Lee nwan ẹnya ẹka-nni m n'ị hụn nị onwọnni onyẹ e feyedẹ m ẹnya; ebe m'a gbaban arịa; onwọnni onyẹ kpọ ndụn m ihiẹn ọwụlẹ.
5
Dodo Osolobuẹ, m rị a kpọku i; a sị, “Ịyụ kẹ m gbọnni, ịyụ sụọ kẹ m nwọn elu-ụwa.”
6
Dodo gọn ntịn ẹkwan m, nị ụya e d'e gbu m; dodo gbapụha m ẹka ndị rị e kpokponi m, makẹni uwẹ ka m ikẹn.
7
Wepụha m imẹ ngannị m rị, kẹni m hụn ụzọ ja ị mma. Ogẹn ahụn, ndị ezi-omumẹ e fihunmẹ m a ghọghọ, makẹ ọhụnma i mẹni m.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes