Samarenyo Bible (1984)
|
| 1 |
| Hin pakibulig natawag ako han Ginoo, ha iya ako nanginginyupo. |
| 2 |
| Dara ha iya an akon mga sumbong, pati adton mga nakakasamok ha akon. |
| 3 |
| Kon harapit na ako humunong, maaram na hiya han angay ko buhaton. Dida han dalan nga linalaktan nakon, mga kaaway ko nagbibitik ha akon. |
| 4 |
| Ha akon pagsiplat nakikita ko nga waray usa nga ha akon naninimangno; waray naugop ug nalolooy nga tawo. |
| 5 |
| Nasangpit ako hin pakibulig han Ginoo, ikaw, O Ginoo, an panalipod ko, ikaw la an kinahanglan ko ha kalibutan. |
| 6 |
| An akon pakibulig imo gad pamatian, kay tugob na ako hin mga kabidoan. Ha mga kaaway imo ako talwason, kay makurukusog hira ha akon. |
| 7 |
| Bawion mo ako ha akon mga kakurian, ngan akon gud ikaw pagpapasalamatan. Dida han katirok han imo mga katawhan, kay ha akon naghatag ka hin kaupayan. |
| Save Notes |
https://beblia.bible:81/BibleAudio/waray/psalms/142.mp3
150
142