×

Ika Bible 2018

Ẹbụ-ọma 143

1
Dodo Osolobuẹ, nụ ekpere m; gọn ntịn ihiẹn m rị a rịọ ị, makẹni ị wụ onyẹ wẹ gi e dọn ẹnya lẹ onyẹ ezi-omumẹ, dodo za m.
2
Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,
3
Eṅẹnrẹn m rị a chụ m; ọ zọkpụkpọgụọ ndụn m tọ alị; o mẹ m e bi ebe gba ishi nọkẹ ndị nwụnhụngụ kete-kete.
4
Ya haịn ndụn gi rị a gụ m; obi hụ a nahịn m.
5
M hụ a nyanhan mbụ-mbụ; m hụ e ro ihiẹn ile i rụn, e ro ihiẹn ẹka ị rụn.
6
M kishi nwan ẹka elu a rịọ ị, e gi obi m ile a chọ ị, nọkẹ alị-ọkpọnkụn rị a chọ mirin.
7
Osolobuẹ dodo zakẹnrin m, nị ndụn a gụgụọ m. Efepụkwọlẹ m ẹnya, amamgbe m'a laburu ndị rị imẹ ili.
8
Eki fọn ụtụntụn y'e mẹ m nụ ukwere ihiẹn-ọsụsụọ ị, makẹni ịyụ kẹ m gi dọn ẹnya. Ghọsị m ụzọ m k'a gha, makẹni e wegụọ m enwẹn m kwan'ị.
9
Osolobuẹ dodo zụọpụha m ẹka ndị-iṅẹnrẹn m, n'e gbọngụọnị m'ị.
10
Kuzi m kẹ wẹ dọn e mẹ uche i, makẹni ịyụ wụ Chuku m; Mmọn ị rị mma ya we m a gha ebe riẹnni.
11
Osolobuẹ dodo, gi ufiri ẹfan ị dọnmẹ m ndụn, gi ezi-omumẹ i wepụha m imẹ nsọngbu.
12
Gi ufiri ihiẹn-ọsụsụọ ị gbupụ ndị-iṅẹnrẹn m, y'e tikpọ ndị ile chọkọ m isi, nị odibo i kẹ m wụ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes