×

Umbundu Bíblia Sagrada 1963

OLOSAMO 143

1
Yeva ohutililo yange, a Yehova. Vonguila etui kalombelo ange. Omo o kasi lesunga locili, nambulule.
2
Ku ka tuale ukuenje wove vekanga, momo kovaso ove ka kuli u o kasi lomuenyo wa lipua.
3
Omo unyali wa suvalisa, kuenje wa kupuila omuenyo wange posi, wa numalisa vowelema ndava va fa ale osimbu,
4
oco espiritu liange ka li kuete vali ongusu, lutima vokati kange u kasi lupongo.
5
Njivaluka oloneke vionahũlu. Sokolola ovilinga viove viosi. Sinyanyẽha upange wovaka ove.
6
Ngoluila kokuove ovaka. Utima wange u ku kuetele enyona ndeli liofeka yekango.
7
A Yehova, yayulako oku nambulula. Espiritu liange li kasi oku konyõha. Ku ka mbundisile ocipala cove sanga ndinga ndava va lokila vonjembo.
8
Omele njukise ocisola cove ka ci pui, momo nda ku kolela. Njimbe onumbi yonjila nda posokela oku endelamo, momo nda tiamisa utima wange kokuove
9
Mopele, a Yehova, kovanyali vange. Nda tilila kokuove okuti mbunda.
10
Ndongise oku linga ocipango cove momo ove Suku yange. Espiritu liove liwa lisonguile vonjila ya tapika.
11
A Yehova, popela omuenyo wange mekonda lionduko yove. Omo o kasi lesunga, vohali ñasi, njupemo.
12
Omo o kasi locisola ka ci pui, kundula ovanyali vange loku nyõla vosi va suvalisa. Momo ndukuenje wove.
Umbundu Bible 1963
Umbundu Bible United Bible Societies, 1963
:
Save Notes