Ika Bible 2018
|
| 1 |
| Ịja-mma ya rịnị Osolobuẹ, Ọmụma hụn e che m nche, Onyẹ hụn a kuzi ẹka m agha, e ye mkpịnsịn-ẹka m ikẹn ọgbọ-agha. |
| 2 |
| Onyẹ hụn nwọn ihiẹn-ọsụsụọ m; Ebe m'a gbaban lẹ Onyẹ m'e gbọnni; Onyẹ nzụọpụha m lẹ Akpaịn m. Ịya kẹ m gbọnni. Onyẹ hụn e bu ndị ichẹn-ichẹn e che okpuru m. |
| 3 |
| Euu Osolobuẹ, kị ịhịan wụdẹ nwan i gi e lee ẹ ẹnya ihun? Kị ịhịan mmaka wụdẹ nwan i gi a kpọ a ihiẹn? |
| 4 |
| Ịhịan nọhụ kẹ akpụ uzun ohu; K'ọ tọhanlẹ, ọ nọhụ kẹ onyinyọn hụn ghalẹni a tọ. |
| 5 |
| Osolobuẹ dodo nupụ igwere i hidan; mẹtụhụ ugu ẹka nị wẹ lọma ẹnwụnrụn. |
| 6 |
| Gi amụma chụzịza ndị-iṅẹnrẹn; gba ụtaa ị gi chụzịza wẹ. |
| 7 |
| Gha imẹ-elu tịnpụ ẹka ị zụọpụha m; sepụha m imẹ okẹn mirin; gbapụha m ẹka ndị alị ọzọ, |
| 8 |
| ndị oku-ọnụ wẹ wụ ntụ-ntụ, hụn a tụ ntụ a kịshini Osolobuẹ ẹka elu. |
| 9 |
| Euu Chuku, m k'a bụn'ị ẹbụ ọhụn; m k'e gi ụbọ eriri-iri kpọn'ị egu. |
| 10 |
| Ịyụ hụn e ye ndị-nze mmẹri, hụn a zụọpụha odibo i wụ Defidi ọnụ eje ọpịa-agha. |
| 11 |
| Tọpụ m, zụọpụha m ẹka ndị alị ọzọ, ndị oku-ọnụ wẹ wụ ntụ-ntụ, hụn a tụ ntụ a kịshini Osolobuẹ ẹka elu. |
| 12 |
| Zụọpụha ẹnyi, kẹni ụmụ ẹnyi ikẹnnyẹ suepụha, a nọ wẹ kẹ ihiẹn-akụnkụn suegụnị, ụmụ ẹnyi ikpoho a rị kẹ adansụn wẹ tụ ọhụnma hụn wẹ gi chọ obi-eze mma; |
| 13 |
| ọban ẹnyi e jun, e ye ẹnyi ihiẹn-oriri ichẹn-ichẹn; atụnrụn ẹnyi a mụ nnụ-uku nnụ-uku mụ nnụ-uku iri nnụ-uku iri mụjun ogige ẹnyi; |
| 14 |
| ihiẹn-ugbo e jun efin ẹnyi gi e bu ibu azụụn; ndị-iṅẹnrẹn etitukọ mgbọn ẹnyi; akpụnrụnkọ wẹ ndị nke ẹnyi shi alị ọzọ; akwankọ wẹ ụya ụwaya ẹnyi. |
| 15 |
| Alị ihiẹn rịnị mma ẹnịna e nwọngụọ ngọzi, alị hụn Osolobuẹ wụ Chuku wẹ e nwọngụọ ngọzi. |
| Save Notes |
https://beblia.bible:81/BibleAudio/ika/psalms/144.mp3
150
144