Fɔs Oli Baybul 2013
|
| 1 |
| Prez PAPA GƆD, di PAPA GƆD we de kɔba mi, nain de gi mi trɛnk ɛn skil fɔ fɛt. |
| 2 |
| In na di wan we de kɔba mi ɛn fɛt fɔ mi, i dɔn win di ɔda neshɔn dɛn ɛn mek mi fɔ bi dɛn kiŋ. |
| 3 |
| PAPA GƆD, udat na mɔtalman fɔ mek yu bisin bɔt am so bifo a se mi we yu de tink bɔt so? |
| 4 |
| Mɔtalman layf na lɛk briz; i kin lɔs kwik lɛkɛ shado. |
| 5 |
| PAPA GƆD, chɛr di klawd kam dɔŋ fɔ sev mi! Go dɔŋ na di mawnten dɔn smok go kɔmɔt de! |
| 6 |
| Mek laytin fɔdɔm ɛn skata di ɛnimi dɛn; lɛ di laytin tan lɛk aro fɔ drɛb dɛn. |
| 7 |
| Pul mi na di ɛnimi dɛn an we tan lɛk wata fɔ drawn mi; nɔ mek dɛn fɔrina ebul mi, |
| 8 |
| we na soso lay ful dɛn mɔt, ɛn dɛn de swɛ sɛf we dɛn de lay. |
| 9 |
| PAPA GƆD, a go mek nyu siŋ fɔ yu; a go yuz big ap fɔ mek myuzik ɛn prez yu, |
| 10 |
| yu we de mek kiŋ dɛn win batul, we bin mek yu savant Devid nɔ day na wɔfrɔnt. |
| 11 |
| Sɔri fɔ mi ɛn pul mi na dɛn fɔrina dɛn an we na soso lay ful dɛn mɔt, ɛn dɛn de swɛ sɛf we dɛn de lay. |
| 12 |
| Lɛ wi lili bɔypikin dɛn fayn fɔ luk we dɛn de gro, ɛn lɛ wi gyal pikin dɛn kɔmɔt fayn ɛn fiba dɛn post dɛn na Kiŋ os. |
| 13 |
| Lɛ wi sto dɛn pak ful wit ɔlkayn tin fɔ it; ɛn lɛ wi ship dɛn jɛs de bɔn bɔku bɔku ship pikin dɛn; |
| 14 |
| ɛn wi kaw dɛn it gud fɔ gɛt trɛnk fɔ du ɔlkayn wok. Lɛ natin nɔ mek pipul wɔri, we dɛn go kech dɛn kɛr dɛn na ɔda man kɔntri, ɔ dɛn de kray na trit. |
| 15 |
| Di pipul we go gɛt dɛn blɛsin ya go gladi; dɛn go gladi mɔ we na yu na PAPA GƆD, di PAPA GƆD we dɛn de wɔship. |
| Sev Notis dɛn |
https://beblia.bible:81/BibleAudio/krio/psalms/144.mp3
150
144