|
| 1 |
|
| يَا اللَّهْ نَا دَ سَرْكِينَ، ذَنْ طَوْكَكَاكَ، ذَنْ يَبِے سُونَنْكَ حَرْ أَبَدَا أَبَدِنْ؞ |
|
| 2 |
|
| كُواْوَثٜىٰ رَانَ ذَنْ يَبٜىٰكَ، ذَنْ غِرْمَمَ سُونَنْكَ حَرْ أَبَدَا أَبَدِنْ؞ |
|
| 3 |
|
| يَهْوٜىٰهْ دَ غِرْمَ يَكٜىٰ، يَثَنْثَنْثِ يَبُواْ مَيْ يَوَ، غِرْمَنْسَ تَوُثٜىٰ غَبَنْ مِصَالِ؞ |
|
| 4 |
|
| كُواْوَثٜىٰ ڟَارَا ذَاتَ يَبِے أَيُّكَنْكَ غَ ڟَارَا مَيْ ذُوَا، ذَاسُيِ شٜىٰلَرْ مَنْيَنْ أَيُّكَنْكَ؞ |
|
| 5 |
|
| عَكَنْ طَوْكَكَرْكَ دَ غِرْمَنْ دَرَجَرْكَ، عَكَنْ أَيُّكَنْكَ نَبَنْ مَامَاكِ ذَنْ دِنْغَ تُنَانِ؞ |
|
| 6 |
|
| مُتَنٜىٰ ذَاسُيِ مَغَنَ غَمٜىٰدَ أَيُّكَنْكَ مَاسُ بَنْ ڟُواْرُواْ، نِے كُوَ ذَنْ لِسَّڢْتَا يَوَنْ غِرْمَنْكَ؞ |
|
| 7 |
|
| ذَاسُ ٻَرْكٜىٰ دَ شٜىٰلَرْ يَوَنْ أَلْحٜىٰرِنْكَ، ذَاسُ رٜىٰرَ وَاڧَرْ ڢَضٍ ثِكِ غَمٜىٰدَ أَدَلْثِنْكَ؞ |
|
| 8 |
|
| يَهْوٜىٰهْ مَيْ أَلْحٜىٰرِ نٜىٰ مَيْ جِنْڧَيْ كُمَ، مَرَرْ سَوْرِنْ ڢُشِے، ثِكٜىٰ دَ يَوَنْ ڧَوْنَ مَرَرْ ثَنْجَاوَا؞ |
|
| 9 |
|
| يَهْوٜىٰهْ مَيْ أَلْحٜىٰرِ نٜىٰ غَ كُواْوَ، تَوْسَيِنْسَ يَنَ عَكَنْ دُكَنْ حَلِتُّنْسَ؞ |
|
| 10 |
|
| يَا يَهْوٜىٰهْ ، دُكَنْ حَلِتُّنْكَ ذَاسُيِ مَكَ غُواْدِيَ، دُكَنْ مَاسُ ڧَوْنَرْكَ كُمَ ذَاسُ يَبٜىٰكَ؞ |
|
| 11 |
|
| ذَاسُيِ شٜىٰلَرْ طَوْكَكَرْ مُلْكِنْكَ، سُكُمَيِ مَغَنَ غَمٜىٰدَ غِرْمَنْكَ، |
|
| 12 |
|
| دُواْمِنْ یَنْ أَدَمْ سُسَنْ مَنْيَنْ أَيُّكَنْكَ، دَ كُمَ دَرَجَرْ طَوْكَكَرْ مُلْكِنْكَ؞ |
|
| 13 |
|
| مُلْكِنْكَ مُلْكِ نٜىٰ نَهَرْ أَبَدَا، سَرَوْتَرْكَ كُمَ دَغَ ڟَارَا ذُوَا ڟَارَا نٜىٰ؞ |
|
| 14 |
|
| كَيْ يَهْوٜىٰهْ ، كَكَنْ رِڧٜىٰ دُكَنْ وَطَنْدَ سُكٜىٰ ڢَاطُوَ، كَكَنْ تَادَ دُكَنْ وَطَنْدَ سُكٜىٰ ڧَرْڧَشِنْ دَنِّيَ؞ |
|
| 15 |
|
| إِدَانُنْ كُواْوَ سُنَ عَكَنْكَ، كَيْنٜىٰ كَكَنْبَاسُ عَبِنْثِنْسُ أَدَيْدَيْ لُواْكَثِ؞ |
|
| 16 |
|
| كَكَنْ بَايَرْ حَنُّ سَكٜىٰ، كَكَنْ ڧُواْسَرْدَ كُواْوَنٜىٰ مَيْ رَيْ بِسَغَ بُڧَاتَرْسَ؞ |
|
| 17 |
|
| يَهْوٜىٰهْ مَيْ غَسْكِيَ نٜىٰ ثِكِنْ دُكَنْ هَنْيُواْيِنْسَ، مَيْ أَلْحٜىٰرِ نٜىٰ ثِكِنْ دُكَنْ أَيُّكَنْسَ؞ |
|
| 18 |
|
| يَهْوٜىٰهْ يَنَ كُرْكُسَ غَ مَاسُ كِرَا غَرٜىٰشِ، غَ وَطَنْدَ سُكٜىٰ كِرَا غَرٜىٰشِ ثِكِنْ غَسْكِيَ؞ |
|
| 19 |
|
| يَكَنْ ثِكَ بُڧَاتُنْ مَاسُ ڟُواْرُوانْسَ، يَكَنْ كُمَجِ كُوكَنْسُ يَثٜىٰثٜىٰسُ؞ |
|
| 20 |
|
| يَهْوٜىٰهْ يَكَنْ كِيَايٜىٰ دُكَنْ مَاسُ ڧَوْنَرْسَ، عَمَّا دُكَنْ مُوغَيٜىٰ ذَاسُ هَلَّكَ؞ |
|
| 21 |
|
| بَاكِنَ ذَيْ يِشٜىٰلَرْ يَبُوانْ يَهْوٜىٰهْ ، دُكَنْ مَاسُ رَيْ ذَاسُ يَبِے سُونَنْسَ مَيْ ڟَرْكِے حَرْ أَبَدَا أَبَدِنْ؞ |
|
|
|
|