×

Maayong Balita 2012

SALMO 146

1
Dayawa ang Ginoo! Dayawa ang Ginoo, O kalag ko!
2
Dayawon ko sia samtang nagakabuhi pa ako, magakanta ako sa akon Dios sa bug-os ko nga kabuhi.
3
Indi kamo magsalig sa tawhanon nga mga pangulo, wala sang tawo nga makaluwas sa inyo.
4
Kon mapatay sila nagabalik sila sa yab-ok, sa sadto nga adlaw ang tanan nila nga mga plano magauntat.
5
Malipayon ang tawo nga ginabuligan sang Dios ni Jacob, kag nagasalig sia sa Ginoo nga iya Dios,
6
nga nagtuga sang langit, duta, kag dagat, kag sang tanan nga yara sa sini. Ginatuman gid niya sa gihapon ang iya mga saad,
7
nagahukom sia pabor sa mga ginapigos, kag nagahatag sia sing kalan-on sa mga ginagutom. Ang Ginoo nagahilway sang mga binilanggo
8
kag nagaayo sang mga bulag. Ginabayaw niya ang mga nadulaan sang paglaom, ginahigugma niya ang iya matarong nga mga tawo.
9
Ginaapinan niya ang mga dumoluong nga nagaestar sa aton duta, ginabuligan niya ang mga balo nga babayi kag mga ilo, pero ginalaglag niya ang mga malaut.
10
Ang Ginoo magahari sa walay katubtoban! Ang imo Dios, O Sion, magagahom sa tanan nga panahon! Dayawa ninyo ang Ginoo!
Ilonggo Bible 2012
Maayong Balita nga Biblia Philippine Bible Society, 2012
:
Save Notes