|
| 1 |
|
| Dayawa ang Ginoo! Maayo ang magkanta sing mga pagdayaw sa aton Dios, matahom kag nagakabagay ang pagdayaw sa iya. |
|
| 2 |
|
| Ang Ginoo nagapatindog liwat sang Jerusalem, ginapabalik niya ang mga bihag. |
|
| 3 |
|
| Ginapabakod niya ang nadulaan sing paglaom, kag ginabugkosan niya ang ila mga pilas. |
|
| 4 |
|
| Ginpat-od niya ang kadamuon sang mga bituon kag ginatawag niya sila sa ila mga ngalan. |
|
| 5 |
|
| Daku kag makagagahom ang aton Ginoo, indi matungkad ang iya kaalam. |
|
| 6 |
|
| Ginabayaw niya ang mga mapinaubuson, pero ginadugmok niya sa duta ang mga malaut. |
|
| 7 |
|
| Magkanta sing mga pagdayaw sa Ginoo, magtukar sing arpa para sa aton Dios. |
|
| 8 |
|
| Ginatabunan niya ang kalangitan sing mga panganod, ginapadalhan niya sing ulan ang duta, kag ginapatubo ang hilamon sa mga bakulod. |
|
| 9 |
|
| Ginahatagan niya ang mga kasapatan sang ila pagkaon, kag ginatugon niya ang mga buto sang uwak kon sila magsiyak. |
|
| 10 |
|
| Ang iya kalipayan indi sa makusog nga mga kabayo, kag ang iya kawilihan indi sa maisog nga mga soldado. |
|
| 11 |
|
| Sa baylo nagakalipay sia sa mga nagatahod sa iya, sa mga nagasalig sa iya mapinadayunon nga gugma. |
|
| 12 |
|
| Dayawa ang Ginoo, O Jerusalem! Dayawa ang imo Dios, O Sion! |
|
| 13 |
|
| Ginapag-on niya ang imo mga pwerta, ginahatagan niya sing mga kaayuhan ang imo mga tawo. |
|
| 14 |
|
| Ginahilway niya sa mga katalagman ang imo mga dulonan kag ginabusog niya ikaw sang pinakamaayo nga trigo. |
|
| 15 |
|
| Nagahatag sia sing mando sa kalibutan kag nagaabot ini sa gilayon. |
|
| 16 |
|
| Nagapadala sia sing yelo subong kadamol sang bulbol sang karnero, kag ginalapta niya ini subong sang yab-ok. |
|
| 17 |
|
| Nagapadala sia sang ulan nga yelo subong sang magamay nga mga bato, wala sing may makaagwanta sang katugnaw nga iya ginapadala! |
|
| 18 |
|
| Dayon nagamando sia, kag nagakatunaw ang yelo, nagapadala sia sing hangin, kag ang tubig nagailig. |
|
| 19 |
|
| Nagahatag sia sang iya mensahe sa iya mga katawhan, sang iya mga pagtudlo kag kasugoan sa Israel. |
|
| 20 |
|
| Wala niya ini ginhimo sa iban nga mga kapungsoran, wala sila makahibalo sang iya mga kasugoan. Dayawa ninyo ang Ginoo! |
|
|
|
|