×

Bukuit Ne Tilil 2020

TIENWOGIKAL 147

1
Olosu Jehovah; Amu mie ketienji Kamuktaindennyo kalosunoik; Amu kararan, ak nyolu kalosunet.
2
Teechei Jehovah Jerusalem; Iyumi inendet che kigion che bo Israel.
3
Inyai che ilyotin mugulelwekwak, Ak koratei mookwak.
4
Iiti kecheik ole te; Tochin ichek tugul kainaik.
5
O Kiptaiyandennyo, ak tinyei kimnatet ne o kosiir; Magimuchi ketet ng’omnatennyi.
6
Tiiei Jehovah che iming’inegei: Ago chooru kiptengeginik kobwa ng’ony.
7
Otienji Jehovah koboto kagoitoetab kongoi: Otienji Kamuktaindennyo kalosunoik eng’ ketubet:
8
Ne tuge bolik kipsengwet, Ne chopchin ropta ng’ony, Ne ibiti suswek eng’ tulonok.
9
Igochin inendet amitwogik tiong’ik, Ak chepkuginik che iteeitos.
10
Mabaibai inendet eng’ kimnatetab mbartanyit: Ama baibai eng’ kelyekab chito.
11
Baibai Jehovah eng’ ichek che iywei inendet, Eng’ icheget che imang’u rirenennyi.
12
Ilosu Jehovah, ee Jerusalem; Ilosu Kamuktaindeng’ung’, ee Sion.
13
Amu kagogimit temeleiywekab ormarichoguk; Kigoberur lagoguk eng’ kwenung’ung’.
14
Yaei kalyet eng’ kiwotosieguk; Inyiitin nganok che neriotin kosiir.
15
Iyokyin ng’ony ng’atutiennyi; Ak labati ng’olyondennyi mising’.
16
Konu teluchi ko u kororikab kechirek; Iseeroti chepkosiet ko u orek.
17
Iyoktoi beekyik che kigau ak kotonogis: Ng’o ne imuchi kotonon eng’ taitab kaititiennyi?
18
Iyoktoi ng’olyondennyi, ak koyaei tuguchoto kochootyo: Yaei usonennyi kous, ak koroot beek.
19
Iborjin Jakobo ng’olyondennyi, Iborjin Israel ng’atutikyik ak kiruogutikyik.
20
Ma yachin bororiet age tugul ko u noto: Ama nai ichek kiruogutikyik. Olosu Jehovah.
Kalenjin Bible 2020
God's word open for all Bible Society of Kenya, 2020
:
Save Notes