RUAC KUƆTH IN RƐL RƆ 1998
|
| 1 |
| Liakɛ Kuoth Nhial! Agɔaa ɛn ɣöö banɛ Kuothdan puany, kɛ ɣöö ɛ cuɔ̱ɔ̱ŋ kä ɛ tɛ̈th lɔaac, ɛn ɣöö banɛ jɛ puany kɛ diit. |
| 2 |
| Ci Kuoth Nhial Jɛ-ru-tha-lɛm täth, kä cɛ ji̱ I-thɛ-rɛl luɔ̱ɔ̱c jɔk pɛɛcä. |
| 3 |
| Kä cɛ nɛy tin ci lo̱ckiɛn baath nyɔk kɛ buɔ̱m, kä cɛ buɔ̱ɔ̱tkiɛn jakä gɔw. |
| 4 |
| Kä jɛn ŋäcɛ pek ciɛri, kä cɛ kɛn diaal mockɛ ciööt. |
| 5 |
| Kuääran di̱tdɛ, kä tëë kɛ buɔ̱m mi di̱i̱t. Kä ŋäc ŋɔaanidɛ /ca dëë luäŋ kɛ thëm. |
| 6 |
| Kä jɛn Kuoth Nhial kapɛ ga̱y nhial, kä yorɛ ji̱ nyuɔɔni piny. |
| 7 |
| Ki̱etdɛ Kuoth Nhial diit tɛthä lɔaac, ki̱etdɛ Kuothdan diit kɛ thom. |
| 8 |
| Kä cɛ nhial thiäŋ kɛ pua̱a̱r, kä cɛ nhiaal rialikä kɛ kui̱ piɛny, kä cɛ juaac jakä wuɔ̱thni päämni. |
| 9 |
| Kä cɛ ley moc mi̱ethdiɛn, kä mi̱i̱thɛ dɛy diitni mi cikɛ ciöt. |
| 10 |
| /Ci lɔcdɛ tɛth kɛ buɔ̱m jiöŋkööri, kä /ci lɔcdɛ tɛth kɛ pual ran, |
| 11 |
| duundɛ ɣöö tɛth lɔc Kuɔth Nhial kɛ nɛy tin luɔ̱thkɛ jɛ, kɛnɛ nɛy tin ŋa̱thkɛ ni nhökdɛ mi thil pek. |
| 12 |
| Liakɛ Kuoth Nhial lö Jɛ-ru-tha-lɛm! Liakɛ Kuothdu lö Dha-yɔn! |
| 13 |
| Kä cɛ thiekni wecdun jakä bum, kä cɛ gaatku poth rɛydu. |
| 14 |
| Kä cɛ ji̱ moc mal kɛ ji̱ thieekädu, kä cɛ ji̱ moc kɛ bɛl ti gɔw. |
| 15 |
| Jɛn cɛ ruacdɛ la̱t wi̱c muɔ̱ɔ̱n, kä cua ruacdɛ la̱t kɛ pɛ̈th. |
| 16 |
| Kä cu thäc ɣɔw kum ce̱tkɛ pa̱ta̱n, kä cuɛ pi̱w tin ca rɔ̱ käp ruɔr piny ce̱tkɛ ŋɛ̈th. |
| 17 |
| Kä cuɛ nhiaal guiiyni yuɔr piny ce̱tnikɛ dööl, kä ɛŋa mi dëë kɔ̱c in cɛ ja̱k luäŋ kɛ ruɔ̱t? |
| 18 |
| Kä cuɛ ruacdɛ lat, kä cu pi̱ tin ca rɔ käp dhia̱y. Kä cuɛ jiɔamdɛ jakä put, kä cuɛ pi̱w cu lɔk. |
| 19 |
| Kä cuɛ ruacdɛ la̱r Je-kɔb, kä cuɛ ŋuɔ̱tkɛ kɛnɛ luëëkɛ la̱r I-thɛ-rɛl. |
| 20 |
| /Kenɛ lät inɔ kɛ döör tin kɔ̱ŋ, kui̱c kɛn ŋuɔ̱tkɛ. Liakɛ Kuoth Nhial! |
| Tɔ̱a̱w Notethni̱ |
https://beblia.bible:81/BibleAudio/nuer/psalms/147.mp3
150
147