×

Ziazia Kekeapai 1978

Atambuahe 149

1
Oni támbua Yekova! Oni bi vovo bia fu Yekova, na gako tambuahe dagba rimbasa agu aboro nga ga ziazia yo!
2
Yisaraere ngí angi mbiko Bamangi ko, awiri Siona dú pusiapusia mbiko gayo Bakindo!
3
I támbua rimoko na gbere, i nibí dodoroma bia atambuahe fu ko na gaza na nzenze!
4
Rago nangba ti Yekova tipa gako aboro; ko nangbanyasa bayee aboro na diabese.
5
Ziazia aboro ngí angi tipa taarimo; i ngbiko na ngbarago auru gayo abarame.
6
Bakere atambuahe dú adu ngbayo yo fu Mbori, abaasape du na rindihe ue ki du beyo,
7
ka ira bape kuti arikaaboro, ka fu mbusa fu aboro a,
8
ka voda gayo abakindo na azogbo, na gayo abaakumba na aganziri,
9
ka sara gu ngbanga kuti yo du ni keke he! Gi irisa re du fu gako ziazia aboro dunduko. Oni támbua Yekova!
Zande Bible 1978
La Sainte Bible en Zande Alliance Biblique Universelle, 1978
:
Save Notes