×

現代台語譯本羅馬字版

詩篇 15

1
Siōng Chú ah, sím-mi̍h khoán lâng ōe-tàng tòa tī lí ê pò͘-pîⁿ? Sím-mi̍h khoán lâng ōe-tàng khiā-khí tī lí ê sèng-soaⁿ?
2
Chiū-sī hêng-ûi chèng-ti̍t, choh-sū kong-gī, tùi sim-tóe kóng chin-si̍t ê lâng.
3
I bô ēng chhùi-chi̍h tiòng-siong lâng; i bô hām-hāi pêng-iú, bô sì-kòe chō-iâu húi-pòng chhù-piⁿ.
4
I ê ba̍k-chiu biáu-sī choh-pháiⁿ ê lâng, m̄-kú chun-tiōng kèng-ùi Siōng Chú ê lâng. I chiù-chōa, sui-jiân ka-kī khek-khui mā bô kái-piàn.
5
I chîⁿ chioh--lâng m̄-sī ūi-tio̍h lī-sek; i bô siu hóe-lō͘ hām-hāi bû-ko͘ ê lâng. Chòe chit-khoán tāi-chì ê lâng ōe éng-oán khiā-chāi.
Chinese TTVR
The Bible Society in Taiwan
:
保存笔记