×

Ika Bible 2018

Ẹbụ-ọma 16

1
Euu Chuku, dodo che m nche — nị ịyụ kẹ m gbaburu!
2
A gwagụọ m Osolobuẹ, “Ịyụ wụ Onyẹ-nwọnni-m; enwọn m ihiẹn ọzọ rị mma wezụka ị!”
3
O mẹ nke ndị nsọ ị hụn rị alịnị — uwẹ wụ okẹn-ịhịan ebe m rị, ihiẹn wẹ a sụọ m ọda!
4
Ndị rị e fe ihiẹn ọzọ gi ẹ hụ e seri nsọngbu bu ọda! Ehuyekọ m ẹdeke hụ wẹ e huyeni mmọn ndị ahụn, akpọkọdẹ m ẹfan mmọn ndị ahụn.
5
Osolobuẹ, ịyụ kẹ m nwọn; ịyụ wụ mkpu m; ịyụ e kwọndọnni m ihiẹn m.
6
Azụụn hụn ru m ẹka arịka mma; ihiẹn i keye m a rịka mma!
7
M k'a ja Osolobuẹ hụn a dụn m ọdụn mma; kẹ imẹ uhinhin, obi m a gwa m oku.
8
Ogẹn ile kẹ m gi a nyanhan nị Osolobuẹ nọyeni m anọyeni. Ebe o mẹni ọ hụ m ẹka-nni, onwọnni ogẹn m'e gi mẹhunmẹ!
9
Ya kẹ ẹfọ gi a sụọ m ụsụọ, obi m hụ a ghọghọ — ẹhụ m k'e zudẹ ikẹn:
10
makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.
11
Y'a ghọsị m ụzọ ndụn; e ye m ịghọghọ zu oke ebe ị rị; ihiẹn a sụọ ụsụọ ghalẹni a gụ rị ẹka-nni i.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes