×

Fɔs Oli Baybul 2013

Sam 16

1
PAPA GƆD, na yu a de luk ɔp to fɔ kɔba mi.
2
A tɛl PAPA GƆD se, “Yu na mi PAPA GƆD, if nɔto fɔ yu, a nɔ bin fɔ gɛt ɛnitin we gud.”
3
As fɔ dɛn wan we de fala PAPA GƆD, we de na dis land, a de ɛnjɔy fɔ si wetin PAPA GƆD de du fɔ dɛn.
4
Dɛn wan dɛn we de fala ɔda gɔd dɛn, go de gɛt trɔbul mɔ ɛn mɔ. A nɔ go kɔl dɛn nem dɛn na mi mɔt ɛn a nɔ go tek pat pan dɛn sakrifays.
5
PAPA GƆD, yu dɔn gi mi wetin a want ɛn mi layf de na yu an.
6
Wetin yu dɔn mak fɔ mi fayn; a gladi fɔ wetin yu gi mi.
7
A go prez PAPA GƆD bikɔs nain de tɛl mi wetin fɔ du; ivin na nɛt, a de tink bɔt wetin i de tɛl mi fɔ du.
8
A de mɛmba se PAPA GƆD de wit mi ɔltɛm ɛn bikɔs i de wit mi, a nɔ de fred natin.
9
So, a gladi bad, mi at layt lɛk fɛda pila; a nɔ de yagba fɔ natin
10
bikɔs yu nɔ go mek mi, we na yu pikin day bifo mi tɛm ɛn go ɛl.
11
Yu dɔn sho mi aw fɔ gɛt layf we go de sote go; yu dɔn mek mi at kol, bikɔs yu de wit mi. Na yu mek a go ɛnjɔy layf sote go.
Krio Bible 2013
Krio Bible The Bible Society of Sierra Leone, 2013
:
Sev Notis dɛn