Ziazia Kekeapai 1978
|
| 1 |
| Ako Mbori, mo bánda re, bambiko mi fu tire ku be ro. |
| 2 |
| Ya mi fu Yekova, “Mo nga gi Gbia; wenepai adu nga fere susi ro te.” |
| 3 |
| Tipa gu ziazia aboro du auru kpotosende, i nga agu yo ngba angba, rago angba ti re mbiko yo. |
| 4 |
| Rungo ange fu agu yo nasia kura mbori; gayo amotumo nga kure mi aúka nga ha te, mi adía nga rimoyo ku ngbare a te. |
| 5 |
| Yekova sia mi ko ni gi siasia he na gi inga; mo nabanda gu he nga gimi. |
| 6 |
| I ringbisi apai fere rogo wene arago; ii, mi du na wene ũkumbo be re. |
| 7 |
| Mi sambua Yekova nayugo pa apai fere; kpotore yo naruga re na yuru. |
| 8 |
| Mi namaa Yekova ku mbata yo a fere dedede; bambiko ko du ku kumbabere, mi awõ nga te. |
| 9 |
| Si du kpotore yo nangi ti ni, mbisimore ki du pusiapusia; borore ki niraki zezeredi. |
| 10 |
| Bambiko mo ambu nga mbisimore ku Baatoro kpikpi aboro yo te, mo afu nga ga ziazia ko, ko bi zirã a te. |
| 11 |
| Mo nayugo gene unga fere; ngbarago du bara bangiro rengbe, rogo kumbabero du aũngbarago ni nye anye kindi. |
| Save Notes |
https://beblia.bible:81/BibleAudio/zande/psalms/016.mp3
150
16