Ika Bible 2018
|
| 1 |
| Dodo Osolobuẹ, gọn ntịn arịrịọ onyẹ ezi-omumẹ; lee ẹkwan m rị a kwan; gọn ntịn ekpere m — nị ntụ arị m ọnụ! |
| 2 |
| Gi ẹka ị ghọsị nị ẹka m rị ọchan; ẹnya ị ya hụnchanrịn ezioku. |
| 3 |
| Y'e lelegụọ obi m; y'e gigụọdẹ abalị bịa d'e kunrun m — y'e lelechanrịngụọ m nke-esi — onwọnni eje-ihiẹn ị hụn. A kwademẹgụọ m obi m n'e gikọ m ọnụ m mẹ njọ. |
| 4 |
| O mẹ nke eje-ihiẹn ịhịan e mẹ, e gigụọ m ihiẹn i ku jụ obibi ndị gi ịhịan e mẹ ihiẹn sụọnị wẹ. |
| 5 |
| Ụzọ ị sụọ kẹ m'a gha, ụkụ m aghanị imẹ ẹ pụ. |
| 6 |
| M rị a kpọku i, Chuku — makẹni i k'a za m; gọn nwan ntịn; nụ nwan ekpere m. |
| 7 |
| Ghọsị nwan okẹn ihiẹn-ọsụsụọ ị — ịyụ, hụn e gi ẹka-nni i a zụọpụha ndị hụn gbaburun'i ebe wẹ gbakọnị ndị-iṅẹnrẹn wẹ! |
| 8 |
| Chemẹ m rịkẹ nwa-ẹnya ị; bu m zuemẹ okpuru ẹka-nku i |
| 9 |
| makẹ ndị njọ hụn rị a mayeni m, ndị-iṅẹnrẹn ẹfọ jọgbu hụn fihunmẹni m! |
| 10 |
| A kpọkingụọ wẹ obi wẹ, e kukarị enwẹn wẹ. |
| 11 |
| E kunrungụọ wẹ m; e fihunmẹgụọ wẹ m, a chọ ụzọ w'e gi titu m. |
| 12 |
| Wẹ rịhụ kẹ ẹwọrọ rị a chọ anụ o k'e gburi; kẹ okoro-ẹwọrọ warị n'o gbu anụ! |
| 13 |
| Lihi nwan, Osolobuẹ! Maye wẹ; titu wẹ! Gi ọpịa-agha ị zụọpụha m ẹka ndị njọ! |
| 14 |
| Gi ikẹn i zụọpụha m ẹka ndị nọ ẹrịra, ẹka ndị-ụwa ụgwọ-ọrụn wẹ rị elu-ụwanị! Ịyụ hụn e yejun ndị i bu obi ẹfọ; ụmụ a hụn ri, a latọnị ụmụ-ụmụ! |
| 15 |
| Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m. |
| Save Notes |
https://beblia.bible:81/BibleAudio/ika/psalms/017.mp3
150
17