Bukuit Ne Tilil 2020
|
| 1 |
| Kas imanda, ee Jehovah, epchi it rirekyuk; Ingogas iting’ung’ saennyu, ne mamong’une kutitab ng’alset. |
| 2 |
| Ingomong’ kiruogennyu eng’ ole imi; Ingogeer konyeguk tugul che nyolunotin. |
| 3 |
| Kiitiem muguleldanyu; kiinyonja kemoi; Kiisiacha, ama inyorja kiy; Kiabekyi ale mamwaei kutinnyu bistoet. |
| 4 |
| Ago eng’ boisionikab bik, ko kiaripge amu ng’olyot ne bunu kuting’ung’ Si masub ortinwekab rebik. |
| 5 |
| Kigonamgei tiegutikyuk ak ortinweguk, Ama ichabaita kelyekyuk. |
| 6 |
| Kaguurin, amu iwolwa, ee Kamuktaindet; Epcha it, kas ng’alalennyu. |
| 7 |
| Iboru chamnyeng’ung’ ne tala ne kikwong’e, ee inye ne isoru ichek che imang’un Eng’ eung’ung’ ne bo tai, eng’ icheget che ng’eetyin. |
| 8 |
| Riba ko u laptetab konda, Ung’ena uruetab kebebaiguk, |
| 9 |
| Si matwaa kiptengeginik che usa, Bunikyuk che koromen che yiema. |
| 10 |
| Kager icheget mwanikwak: Ng’alale menotet kutuswekwak. |
| 11 |
| Kagoalachech komoswek tugul: Kagochiiljech kong’ si kowirjech ng’ony. |
| 12 |
| Kergei inendet ak ng’etundo ne machei kochumji kit ne amei, Ak u neranetab ng’etundo ne ribisi eng’ komoswek che ung’otin. |
| 13 |
| Ng’eet, ee Jehovah, torokte, wirji ng’ony: Soru sobondanyu eng’ kiptengekyot, eng’ rotweng’ung’ bo chok: |
| 14 |
| Eng’ bik, eng’ eung’ung’, ee Jehovah, Eng’ bik che bo ng’ony, che ting’e kebebertanywa soboni, Che inyiiti inye mootinwekwak konoraiguk: Tinyei ichek lagok che yamei, Ak bagakyin tugukwak manyurunikwak. |
| 15 |
| Ago ageere ane togeng’ung’ eng’ imanda: Abiyonyi itondang’ung’ ye ang’eete. |
| Save Notes |
https://beblia.bible:81/BibleAudio/kalenjin/psalms/017.mp3
150
17