RUAC KUƆTH IN RƐL RƆ 1998
|
| 1 |
| Liŋ ɣä lö Kuoth Nhial mi latdä ni cuɔ̱ɔ̱ŋ, kä liŋ wieedä kɛ kui̱ lua̱k, liŋɛ kɛ ɣöö thilɛ ɣä mɛ̈ɛ̈t. |
| 2 |
| Ku lukdä luk ɛ ji̱n, kä guic cuɔ̱ɔ̱ŋdä. |
| 3 |
| Mi ci lɔcdä ɣɔ̱n, mi ci ɣä gui̱l kɛ wäär, mi ci ɣä ɣɔ̱n kä diaal, deri ɣä jek thilɛ ɣä nyuɔɔn, kä /ci thokdä duer lat. |
| 4 |
| Ɣän /ka̱n guɔ̱ɔ̱r ni la̱t jiäk nath, kä ɣän /cä gak gaakni lät, kɛ ɣöö luɔ̱thä ruacdu. |
| 5 |
| Kä ɣän la ja̱a̱lä ni duɔ̱ɔ̱pdu /ka̱n met kac gekä. |
| 6 |
| Kä ɣän cɔalä ni ji̱ lö Kuoth kɛ ɣöö bi ɣä luäk, gäŋni ji̱thdu ɣä, kä liŋ rieetkä. |
| 7 |
| Nyuthni nɛɛku nhökdu min di̱i̱t, kɛ ɣöö ɛ ji̱n la gääŋ nɛɛni tin görkɛ luäk kä ji̱ kɛ kui̱ ji̱ tɛ̈riɛn. |
| 8 |
| Gaŋ ɣä ce̱tnikɛ ti̱ey waŋdu, gaŋ ɣä kɛ ti̱eepdu ce̱tnikɛ manpalɛ̈ɛ̈k mi gaŋ dɛykɛ, |
| 9 |
| kä ji̱ nyuɔɔni tin makɛ ɣä, kɛnɛ ji̱ tɛ̈rä tin gölkɛ ɣä. |
| 10 |
| Kä ci lo̱ckiɛn rɔ̱ ri̱t, thilɛ kɛ pälikä, kä ruac kɛn a jiäk. |
| 11 |
| Kɛn görkɛ ɣä amäni, min ca ɣä go̱l ɛ kɛn guic kɛn ni gua̱a̱th mi dëë ɣɔ̱ɔ̱k ni ɣä piny. |
| 12 |
| Cikɛ ce̱tnikɛ lony mi ci ŋɛ̈ɛ̈ny, ce̱tkɛ kɛ dɔw luɔny mi ci rɔ tɛ̱̈ɛ̱̈ mi dhɔm duɔ̱ɔ̱r. |
| 13 |
| Ku jiɛɛn lö Kuoth Nhial ro̱mni kɛ kɛ, bër bikɛ ben joc! Kän tëkdä kä ji̱ nyuɔɔni kɛ mutdu. |
| 14 |
| Bër kän ɣä lö Kuoth Nhial kɛ buɔ̱mdu kä nɛy tin ca tëkdiɛn la̱th kä nyin ɣɔaa ɛmɛ. Dëë jia̱a̱ckiɛn thia̱a̱ŋ kɛ tɔ̱ɔ̱ŋ in ci tɔ̱w kɛ kui̱diɛn, a dëë gaatkiɛn tekɛ kui̱c in di̱t ni jɛn thi̱n, a dëë tha̱a̱ŋdɛ jek ɛ gaat gankiɛn. |
| 15 |
| Kä ɣän bä ji̱ nɛn rɛy cuŋni, kä mi wa̱a̱ wä jiɛɛn li̱th, ɣän bä cu ro̱ŋ kɛ guecdu pa̱ny. |
| Tɔ̱a̱w Notethni̱ |
https://beblia.bible:81/BibleAudio/nuer/psalms/017.mp3
150
17