×

Ziazia Kekeapai 1978

Atambuahe 17

1
Ako Yekova, mo gí gu pai ru aru; mo dége turo sa gi yambahe! mo yé turo sa gi kpetambuahe, si akura nga ngba irazire yo te!
2
Mo ídi ya pa gi sarangbanga kuru ku bara bangiro! bangiro bí gu pai ru aru!
3
Ka mo asadi kpotore yo, ka mo ye ka bi re yuru, ka mo wisigi re, mo abí nga gbegberẽpai ti re te; ngbare ati nga ndika te.
4
Tipa gu mangaapai nga ga aboro, mbiko gu pai nakuru ngbaro yo mi abanda tire be agu apai nga ga airazuu.
5
Ndure aka kuti gamo agene nyanyaki, ndure azerenga nga te.
6
Ako Mbori, mi akpára foro, bambiko mo akáraga pai fere; mo dége turo kono du mi ni, ki gi fugore.
7
Ako, mo nga gu ko nabatasa agu yo nafu tiyo ku bero be agu yo naguari sa yo ku kumbabero, mo yúgu pa ga weneringise fu yo ni iiriwo pai.
8
Mo bánda re wa rindi bangiro, mo nióko re ku tii nzereme puporo,
9
be gu gbegberẽ aboro namanga re, nga kere avurare ke pati re kirikiri.
10
I kisi kpotoyo yo tipa nunga; i nagumba pa ruka ni ngbayo.
11
I nagbata re; i ke pati re awere kirikiri; i namaa bangiriyo tipa ba re ku sande.
12
I wa bahu ho zingo riahe namanga ru ni, wa kina paranga bahu naoka tiru rogo bagbuko.
13
Ako Yekova, mo gúari! ki gbia yo, ki bafu yo ku sande! Mo bátasi ungare ni ga basape be gbegberẽ aboro,
14
Ako Yekova, be aboro ni bero, be agu aboro du gayo pai kina rogo gi unga re. Vuyo yo hí be gu he igi mo ho tipa yo; awiriyo ki du na he susi gu rengbe a; i mbu yangara gayo ahe fu rukutu awiriyo.
15
Ono tipa re, mi abí kpakpuro rogo rurupai; ho mi ka zinga ni, mi aréngba, bambiko mi abí ro wa du mo.
Zande Bible 1978
La Sainte Bible en Zande Alliance Biblique Universelle, 1978
:
Save Notes