Ika Bible 2018
|
| 1 |
| Igwere rị a ghọsị ọghọ Osolobuẹ! Ihiẹn ile rị igwere rị a ghọsị ọrụn ẹka a! |
| 2 |
| Efinaị ọwụlẹ wẹ hụ e ku oku ẹ; uhinhin ọwụlẹ wẹ hụ e mẹ wẹ a marịn a. |
| 3 |
| Asụsụ arịa; mkpụrụ-oku arịa; w'a ra nụ olu wẹ — |
| 4 |
| kanị ozi wẹ hụ a ghagbarị ụwa ile; w'a nụdẹ ihiẹn wẹ rị e ku ebe ụwa gha. Imẹ igwere kẹ Osolobuẹ rụn ụlọ tọnị ẹnyanwụn; |
| 5 |
| hụn nọ kẹ okẹnnyẹ rị a gba ẹkụkwọ — hụn gha ebe wẹ dọnmẹn'ẹ pụla d'a gba ẹkụkwọ, lekẹ ọgba-ọsọ hụn ọsọ rị a dụ. |
| 6 |
| Ọ nọ azụụn igwere ohu wa, ọ ghasọnmẹ ụzọ hụn ọ gha — ọ nọ azụụn hụn ẹbọ rọ. Onwọnni ihiẹn ọ ghalẹni a ma. |
| 7 |
| Iwu Osolobuẹ ye ẹnyi zu oke, o bu ndụn e che ịhịan obi; ụmụ-iwu Osolobuẹ ti furuchanrịn wẹ gi e dọn ẹnya, o mẹ ogbori a marịn ihiẹn; |
| 8 |
| ihiẹn ndị Osolobuẹ sị ẹnyi mẹ rị mma, w'e mẹ obi a sụọ ịhịan ụsụọ; ihiẹn Osolobuẹ sị ẹnyi e mẹ we ẹnya, ọ shịapụ ịhịan ẹnya; |
| 9 |
| Ịtụ-egun Osolobuẹ rị mma, ọ rị jẹnrin ejẹn; ihiẹn Osolobuẹ sị ya ka mma furu wẹ gi e dọn ẹnya, wẹ ile rịchanrịn ọchan. |
| 10 |
| Uwẹ kadẹ goru mkpa a rị, kẹ ezigbo goru bu ọda; uwẹ kazị mirin-ẹnwụn a sụọ — kadẹ mirin-ẹnwụn wẹ buchelẹni ihiẹn ọzọ hụn rị a gha ọgba mirin-ẹnwụn a tantu. |
| 11 |
| Uwẹ a kuzi odibo i; erere a rịka idọnmẹni wẹ. |
| 12 |
| Onyẹ a marịnchanrịn mmẹfie ẹ? Gbagharị m mmẹfie m ndị m marịnlẹni! |
| 13 |
| Anịkwọlẹ odibo i e mẹ njọ ọ marịngụ, anịkwọlẹ wẹ kị m — kẹni m wụrụ onyẹ zu oke, ghalẹni e mẹ njọ ahụn jọgbu enwẹn ẹ. |
| 14 |
| Oku-ọnụ m lẹ iroro m wẹ wụrụ hụn y'a nabanhan, Osolobuẹ, Ọmụma m lẹ Onyẹ a gbapụhanị m! |
| Save Notes |
https://beblia.bible:81/BibleAudio/ika/psalms/019.mp3
150
19